Rasijskija bronieaŭtamabili «Vodnik» i «Vystrał», jakija byli stvoranyja paśla raspadu SSSR u RF i nie pastaŭlalisia va Ukrainu, byli zaŭvažanyja niadaŭna na terytoryi, zachoplenaj rasijskimi bajevikami «ŁNR» i «DNR», piša aŭtarytetny vajenny błoh bmpd.livejournal.com, jaki viaduć supracoŭniki rasijskaha Centra analizu stratehij i technałohij.
Braniravanaja mašyna HAZ-3937 «Vodnik» u składzie sił «ŁNR» 10 studzienia 2015 hoda; kadr ź videa.
Šmatmetavy modulny bronieaŭtamabil HAZ-3937 «Vodnik» vyrablaŭsia małymi partyjami ŭ 1990-ja i 2000-ja hady i pastaŭlaŭsia Ministerstvu abarony RF. Taksama ŭ zalik savieckaj zapazyčanaści 48 mašyn byli adpraŭlenyja va Uruhvaj.
Trochi raniej, u śniežni tam ža byli zaŭvažanyja bronieaŭtamabili KamAZ-43269 «Vystrał», stvoranyja ŭ pačatku 2000-ch. Usiaho była vyrablena kala 150 takich mašyn, usie jany pajšli ŭ častki rasijskaj armii.
Kadr z rolika pra vučeńni «armii ŁNR».
«Vodnik» u cełym akazaŭsia małapaśpiachovaj mašynaj, i ŭ apošnija hady, vierahodna, razam z mašynami «Vystrał/Dazor» ich zabirajuć z vojskaŭ (a zaraz, jak možna zrazumieć, pieradajuć u ŁNR)», — piša bmpd.livejournal.com.
«Dazor» — madyfikacyja aŭtamabila «Vystrał» u raźviedvalnuju mašynu dla suchaputnych vojskaŭ.
Apošnim časam u «ŁNR» adbyvajucca ŭnutranyja čystki tych kamandziraŭ bajevikoŭ, jakija byli małapadkantrolnyja pryznačanamu Maskvoj kiraŭnictvu. Hety praces, vierahodna, idzie ŭ nahu z masavymi pastaŭkami rasijskaj techniki ŭ častki maryjanietkavaj «armii ŁNR», jakaja stvarajecca nanova.
