Były ministr abarony samaabvieščanaj «Danieckaj narodnaj respubliki» Ihar Strałkoŭ zaklikaŭ sieparatystaŭ rušyć uśled jaho prykładu i pakinuć svaje pasady. Pra heta ŭ subotu, 3 studzienia, jon zajaviŭ partału «Ruskaja viasna», kamientujučy zabojstva palavoha kamandzira atrada łuhanskich sieparatystaŭ Alaksandra Biadnova («Betmiena»).
«Ja svoj vybar zrabiŭ u žniŭni. Aceńvać jaho možna pa-roznamu -nikomu zabaranić nie mahu. Kožny maje prava rabić svoj vybar sam - pavodle svajho sumleńnia. Ja mahu tolki rekamiendavać pastavić ahulnyja intaresy nad asabistymi (navat z ulikam ŭsiaho ciažaru situacyi)», - zajaviŭ Strałkoŭ.
U žniŭni 2014 Strałkoŭ pakinuŭ pasadu ministra abarony i hałoŭnakamandujučaha bajcami «DNR». Tady jon vykazaŭ niezadavolenaść tym, što adbyvajecca na ŭschodzie Ukrainy i źjechaŭ u Rasiju.
Na jaho dumku, zabojstva Biadnova było ździejśniena dla taho, kab spravakavać sieparatystaŭ na paŭstańnie, jakoje «budzie nieadkładna abvieščana antynarodnym mieciažom» z usimi vynikajučymi nastupstvami až da viartańnia kantrolu nad «narodnymi respublikami» Kijevu «na padstavie likvidacyi bandyckaha biasčynstva».
«Ja nie sprabavaŭ zmahacca za ŭładu ŭ «Navarosii» i pakinuŭ svaju pasadu ŭ tym liku dla taho, kab paźbiehnuć padobnych situacyj. «Bizunom abucha nia pierabješ» - možna było tolki «droŭ nałamać». Tak što ja zaklikaju zrabić toje ž, što zrabiŭ ja sam. U poŭnym razumieńni, što inšy varyjant budzie kryvavy, biessensoŭny i skončycca trahična», - padkreśliŭ były ministr abarony« DNR ».
Druhoha studzienia ŭłady «ŁNR» abviaścili ab zabojstvie Biadnova ŭ chodzie śpiecapieracyi. Pa viersii Hienprakuratury «ŁNR», Biadnoŭ i jaho bajcy vykradali i katavali mirnych žycharoŭ. Paźniej telekampanija «ŁNR» apublikavała videazapis intervju z adnym z zatrymanych bajcoŭ, jaki raspavioŭ padrabiaznaści pra hetych katavańniaŭ.
U Hienprakuratury «ŁNR» zajavili, što pry zatrymańni 1 studzienia Biadnoŭ akazaŭ uzbrojeny supraciŭ. U vyniku zaviazałasia pierastrełka, i jon byŭ zabity, a jaho bajcy - zatrymanyja. Miž tym, prychilniki Biadnova prytrymlivajucca inšaj viersii jaho śmierci: jany śćviardžajuć, što mašyna Biadnova i mašyna supravadžeńnia byli rasstralanyja z zasady.
Na dumku Strałkova, zabojstva Biednova źjaŭlajecca «ciažkim złačynstvam, nakiravanym na škodu «Navarosii «», i «jaho likvidacyja praviedziena ŭ horšych tradycyjach razborak bandhrup 90-ch».
