Na konkursie Blizzardfest u naminacyi «animacyja» pieramoh Jahor Illin, raspaviadaje dev.by.
Jahor Illin, viadomy jak CG_action, vystupaŭ ad imia supolnaści ARTTalk.ru.
Zadańniem animataraŭ było zmadelavać udar ci sieryju ŭdaraŭ zahadzia stvoranych piersanažaŭ z suśvietaŭ hulniaŭ Blizzard u 10-siekundnym roliku. Kab spabornictva nie dapuskała muchlavańnia, na praciahu ŭsich troch miesiacaŭ, što vydavalisia na zadańnie, udzielniki musili vykładvać na forumach pramiežkavyja vyniki raboty.
«Ja natchniaŭsia ŭ asnoŭnym lubimymi japonskimi fajtynhami (žanr hulniaŭ, cantralnaje miesca ŭ jakim zajmajuć bojki — NN) ź ich kultam nindzia, zvyščałavieka», — tłumačyć Jahor. «Staŭ łamać hałavu nad tym, čym sam byŭ by ŭražany. Padumaŭ, što kali jakasna «adnavić» jaki-niebudź adzin pryhožy «ŭdar nahoj z razvarotu», to heta, viadoma, budzie pryšpilna, ale naŭrad ci zapomnicca. I ja zrabiŭ niešta zusim užo nierealistyčnaje».
Jon miarkuje, što siarod animataraŭ byli mocnyja kankurenty, a jaho animacyja sastupała niekatorym pa techničnaj realizacyi, ale žury začapiła kancepcyja.
Jahor atrymaŭ dyzajnierskuju kvalifikacyju ŭ Homielskim dziaržaŭnym mastackim kaledžy. Zajmacca 3D-animacyjaj jon pačaŭ jak chobi, ale ź ciaham času heta stała jaho prafiesijaj. Zaraz jon pracuje ŭ kampanii Vizor Interactive, viadomaj najpierš braŭziernymi hulniami «Klandajk» i «Zombi Fierma». Siarod lubimych hulniaŭ nazyvaje Soul Calibur, Dead or Alive i Devil May Cry.