Nacyjanalnych matyvaŭ u kalekcyi niama. Palityčnych zajavaŭ svajoj kalekcyjaj polka taksama nie rabiła.
Niahledziačy na toje, što Ania Rubik naradziłasia ŭ Polščy, svajoj druhoj radzimaj jana ličyć Amieryku. Mienavita ŭ Ńju-Jorku jana žyvie sa svaim chłapcom. Tamu natchnieńnia madel čerpała mienavita adtul.
Zorka Elle, Vogue dy Harper's Bazaar stvaryła svaju kalekcyju dla polskaha brenda Mohito. Jana źjaviłasia ŭ kramach hetaha brenda 14 lipienia. Premjera kalekcyi adbyłasia ŭ polskaj stalicy.
Pa słovach Ani, jana stvaryła rečy, jakija adlustroŭvajuć jaje indyvidualny styl i napoŭnienyja ducham Ńju-Jorka.
«Pradumanyja da drobiaziaŭ, zručnyja i šykoŭnyja, heta rečy i aksesuary, jakija, jak mnie zdajecca, pavinny być u harderobie kožnaj žančyny», — kaža sama Rubik.
Asnoŭny akcent u kalekcyi Ani — heta bazavyja rečy harderobu, jakija pradstaŭleny ekskluziŭnymi AR-futbołkami i miakkimi švedrami ŭ styli oversize.
A taksama elemienty, jakija adlustroŭvajuć styl vialikaha horada: šoŭkavyja prazrystyja błuzki, abcasy.
Jość elemienty i kaŭbojskaha stylu. Karaciej, Ania mieła racyju nakont taho, što hetaja kalekcyja adlustroŭvaje jaje styl naohuł, bo niejkaha hałoŭnaha matyvu ŭ kalekcyi niama
