Respublikanskaje ŭnitarnaje pradpryjemstva «Biełtelekam» u 2015 hodzie płanuje pavialičyć kolkaść punktaŭ dostupu Wi-Fi da 300 tys., paviedamili ŭ pres-słužbie pradpryjemstva.
«U nastupnym hodzie my płanujem dalejšaje pašyreńnie sietki Wi-Fi da 300 tys. ahulnaj kolkaści punktaŭ dostupu ŭ cełym pa krainie», — rastłumačyli śpiecyjalisty pres-słužby.
Za dzieviać miesiacaŭ 2014 hoda «Biełtelekam» ustanaviŭ bolš za 130 tys. punktaŭ dostupu Wi-Fi. Da praviadzieńnia čempijanatu śvietu pa chakiei-2014 biespravadny internet źjaviŭsia na 299 abjektach prydarožnaha servisu, na 31 pahranpierachodzie, na 68 aŭta- i 33 čyhunačnych vakzałach. Na staličnych «Minsk-Arenie» i «Čyžoŭka-Arenie» ŭstanoŭlena 105 i 124 punkty dostupu adpaviedna.
RUP «Biełtelekam» pradastaŭlaje dostup u sietku internet z vykarystańniem roznych technałahičnych rašeńniaŭ, jakija praduhledžvajuć ustanoŭku jak unutranych, tak i źniešnich punktaŭ dostupu Wi-Fi. Usiaho pa krainie ŭstanoŭlena bolš za 280 tys. punktaŭ dostupu Wi-Fi, ź ich amal 75 tys. u Minsku.