Amierykanskija i irakskija vajskoŭcy pišuć płan naziemnych bajavych dziejańniaŭ suprać bajevikoŭ «Isłamskaj dziaržavy Iraka i Levanta», jakija zachapili kantrol nad tracinaj terytoryi Iraka i Siryi, piša sajt washingtonpost.com sa spasyłkaj na krynicu.
Bambiožki isłamistaŭ — bajavy debiut stełs-źniščalnikaŭ F-22 Raptor
Čakajecca, što nastup budzie doŭhim i mietadyčnym, i raspačniecca nie raniej čym praź niekalki miesiacaŭ. Irakskija siły biaśpieki z mahčymym udziełam amierykanskich daradcaŭ buduć namahacca tatalna źniščać bajevikoŭ i ich padpolle ŭ vyzvalenych rajonach pierad tym, kab pačynać zachop novych.
Žančyna ź sił kurdskaj samaabarony padčas treniroŭki.
U žniŭni ZŠA i kaalicyja ich chaŭruśnikaŭ pačali avijacyjnyja ŭdary pa «Isłamskaj dziaržavie». U apošnija tydni ŭvaha kancentravałasia na abaronie horada Kobani, dzie siryjskija kurdy zaciata abaraniajucca ad isłamistaŭ.
Isłamist zabivaje pałonnych.
U toj ž čas unutry Iraka amierykancy namahajucca spryjać nacyjanalnaj kansalidacyi šyitaŭ, sunitaŭ i kurdaŭ suprać isłamistaŭ, što budzie nieabchodnym padmurkam lubych paśpiachovych akcyj irakskich uzbrojenych sił. Pavodle mierkavańnia Pientahona, u lepšym vypadku tolki kala pałovy irakskich armiejskich padraździaleńniaŭ zdolnyja efiektyŭna zmahacca z bajevikami ciapier.