Lider Partyi prahresu Alaksiej Navalny zapeŭniŭ, što, kali stanie prezidentam, nie budzie viartać akupavany Krym Ukrainie.
«Krym — heta što, buterbrod z kaŭbasoj, ci što? Jaho tudy-siudy viartać …» — zajaviŭ jon u intervju hałoŭredu «Echo Moskvy» Alaksieju Vieniadziktavu.
Na pramoje pytańnie Vieniadziktava «Krym naš?» Navalny adkazaŭ, što «Krym tych ludziej, jakija žyvuć u Krymie». Intervjujer, adnak, pačaŭ nastojvać na peŭnym adkazie. Tady palityk skazaŭ: «Ja liču, što, niahledziačy na toje, što Krym byŭ zachopleny z aburalnym parušeńniem usich mižnarodnych norm, realii takija, što Krym ciapier źjaŭlajecca častkaj Rasijskaj Fiederacyi. I davajcie nie budziem padmanvać siabie. I ŭkraincam ja taksama mocna raju nie padmanvać siabie».
Navalny vykazaŭ upeŭnienaść, što Krym «zastaniecca častkaj Rasii i nikoli ŭ ahladnaj budučyni bolš nie stanie častkaj Ukrainy».
