Nasta Dol
Kala Akreścina sabrałosia 15 čałaviek. Chłopiec Nasty čakaŭ jaje z 17 hadzin, bajaŭsia što vypuściać raniej
A astatnija padrychtavali siurpryz doma
Padarunak z chleba sukamiernicy ź Indyi
Siabry z roznych krain śvietu dasłali svaje videavinšavańni
Kamientary z roznych sajtaŭ pra aryšt Nasty i Źmitra
Siońnia a 20.15 z Akreścina na volu vyjšła Nastaśsia Dol — adna z arhanizataraŭ «kinaprahladaŭ u pierachodzie». Dziaŭčyna praviała ŭ izalatary 6 sutak.
Jana raspaviała, što na Akreścina jašče z času Čempijanatu śvietu pa chakiei znachodziacca kala 25 nihieryjcaŭ, u jakich vyjavilisia prablemy ź vizami, a taksama dadała, što «kormiać tam narmalna». «Ja žyvaja-zdarovaja i navat papraviłasia», — z uśmieškaj dadała jana.
Nahadajem, što Nastaśsiu razam ź inšymi ŭdzielnikami kinaprahladu zatrymali ŭ piatnicu 19 vieraśnia. U milicyi va ŭsich pierapisali pašpartnyja źviestki. Pavodle vyraku sudździ Maskoŭskaha suda Taćciany Motyl dziaŭčyna atrymała 6 sutak, druhi arhanizatar Źmicier Łatuškin — 5.
Dniami ŭ padziemnym pierachodzie na skryžavańni vulic Tanka i Kalvaryjskaj, dzie byli zatrymanyja ŭdzielniki kinaprahlada, źjavilisia hrafici ŭ znak salidarnaści s zatrymanymi.