Da śviata prymierkavana adkryćcio šerahu abjektaŭ: jaślaŭ-sada № 38 i handlovaha centra ŭ Navabielickim rajonie, učastka darohi i novaha padziemnaha piešachodnaha pierachoda na vulicy Barykina ŭ Savieckim rajonie, novaha kulturna-zabaŭlalnaha centra «Vieža» na vulicy Kirava ŭ Centralnym rajonie.
Supracoŭniki miascovych haziet «Homielskija viedamaści», «Novy Viačerni Homiel» i «Saviecki rajon» pravodziać sumiesnuju akcyju na vulicy Savieckaj u rajonie skviera imia Andreja Hramyki, dzie raźmieščany dvaccacimietrovaj baner sa zdymkami bolš čym dźviuch tysiač haradžan, jakija trapili ŭ abjektyŭ fotakarespandentaŭ vydańniaŭ. Žycharam Homiela prapanujecca znajści siabie na fotazdymkach i atrymać pryz.
Uračystaja častka 20 vieraśni pačałasia z karnavalnaha šeścia, temaj jakoha stała 70-hodździe vyzvaleńnia Biełarusi ad niamiecka-fašysckich zachopnikaŭ.
Kancertnyja prahramy ŭklučajuć biaspłatny vystup biełaruskaha śpievaka Alaksandra Saładuchi na płoščy Lenina, a taksama vystupy na sceničnych placoŭkach rajonaŭ inšych biełaruskich vykanaŭcaŭ: Sašy Niema, Hieorhija Kałduna, Alaksieja Chlastova, Łarysy Hrybalovaj. U Homieli siońnia taksama projdzie kancert zorki rasijskaj estrady Stasa Michajłava, košt kvitka na jaki vahajecca ad 250 da 520 tysiač rubloŭ.
U prahramie Dnia horada - tradycyjny zabieh na abcasach, śviata pryhažości i sportu, haradski kubak pa Street ball, BMX i Workout, fiestyval ŭschodnich adzinaborstvaŭ. Tut ža vybieruć samaha mocnaha hamialčanina.
Kamandy ź Biełarusi, Ukrainy i Rasii vystupiać na Homielskim fiestyvali teatraŭ ahniu «Hof-2014» na Bileckaha spusku.
Hamialčan mohuć naviedać siońnia šmatlikija vystavy: «Epocha lalek», «De Ła Ruk» (aŭtarskich rečaŭ), «Historyi staronki», kalekcyj numizmataŭ, fiestyval pavietranych źmiejaŭ, bodzi-art-šoŭ.
Taksama siońnia prachodzić tradycyjny konkurs «Maleńkaja hamialčanka», tancavalny marafon i fiestyval elektronnaj muzyki.
U Čyhunačnym rajonie žadajučyja zmohuć prakacicca na pavietranym šary na vyšyni 872 mietra.
U Savieckim rajonie ŭpieršyniu prachodzić fiestyval žyvych skulptur, a taksama majstar-kłasy pa akvamakijažu, bodzi-arcie i cyrulnickim majsterstvie, defile teatra mod.
Roznyja konkursy, viktaryny, vystavy, marafony i dehustacyi prachodziać na ŭsich placoŭkach horada.
Zavieršacca śviatkavańnia fiejervierkami.
