Valejbalist Alaksiej Śpirydonaŭ plunuŭ u deputata za jaho zaklik viarnuć Krym.
Praciahvaje raźvivacca historyja ź plaŭkom rasijskaha valejbalista ŭ polskaha fanata. Nahadajem, što paśla pajadynku Polšča - Rasija (3: 2) na čempijanacie śvietu pa valejbole hulec rasijskaj zbornaj Alaksiej Śpirydonaŭ plunuŭ u zaŭziatara polskaj zbornaj, piša Korriespondient.
Paźniej žurnalisty vyśvietlili, što hetym zaŭziataram vyjaviŭsia deputat partyi «Prava i spraviadlivaść» Marek Matušeŭski, jaki raspavioŭ pra incydent polskamu TB. U pryvatnaści, jon adznačyŭ, što plavok adbyŭsia paśla taho, jak deputat kryknuŭ valejbalistu «Addajcie Krym!».
Incydent prakamientavaŭ i sam vinoŭnik: «Jaki deputat? Jakija plaŭki za Krym? Prosta zabili mianie hetymi paviedamleńniami. Ja paćviardžaju, što heta ŭsio tryźnieńnie varjata. Adzin niejki debił paviedamiŭ pra heta, i ŭsio padchapili», - skazaŭ Śpirydonaŭ u kamientary sajtu gazeta.ru.
U toj ža čas polskija ŚMI raźmiaścili videa, na jakim bačna, jak dvoje z rasijskich valejbalistaŭ sychodziačy ź placoŭki pakazvajuć nieprystojnyja žesty polskim fanatam.
