Były prezident Ukrainy Leanid Kučma, pradstaŭnik Kijeva na pieramovach pa Danbasie, daŭ adłup žurnalistu pucinskaha kanała «Łajfńjus» na pres-kanfierencyi pa vynikach padpisańnia pratakoła.
Na pytańnie: «Nu nie chočuć DNR i ŁNR žyć va Ukrainie — što rabić budziecie?» — Kučma adkazaŭ: «Davajcie pačujem adkaz vašych rehijonaŭ, jak chočuć jany žyć i što im adkažuć. Tady i ja vam adkažu na vaša pytańnie», — cytuje jaho ŭ svaim Fejsbuku karespandent Jeŭraradyjo Źmicier Łukašuk.
Sustreča kantaktavaj hrupy ŭ Minsku zakončyłasia padpisańniem pratakoła ab vyznačeńni linii raździaleńnia bakoŭ i advodzie ciažkich uzbrajeńniaŭ. Damoŭlenaści zamacoŭvajuć status-kvo Danbasa, padobny da statusa Prydniastroŭja paśla 1992 hoda. Takim čynam, Pucin dasiahnuŭ svajoj zadačy-minimum, stvareńnia maryjanietkavaj kvazi-dziaržavy na ŭschodzie Ukrainy, ale nie dasiahnuŭ zadačy-maksimum — adryvu ad Ukrainy jaje paŭdniovaj pałovy, jakuju ŭ Maskvie nazvali «Navarosijaj».
