Padletak, jaki vučycca ŭ Haradku, ź cikaŭnaści nabyŭ narkatyčnuju kurylnuju sumieś, jakaja nazyvajecca «spajsam», i pačastavaŭ tavaryša, nie papiaredziŭšy ab tym, što mienavita jany buduć palić.
Paśla niekalkich zaciažak maładych ludziej užo ŭ nieśviadomym stanie dastavili ŭ reanimacyju Haradockaj centralnaj rajonnaj balnicy. Ad nieminučaj śmierci ich vyratavała apieratyŭnaje ŭmiašańnie miedykaŭ, piša na sajcie UUS načalnik ISN Haradockaha RAUS Juryj Jarmoła.
Abodva padletki byli pastaŭlenyja na ŭlik da ŭrača-narkołaha. A junak, što častavaŭ «spajsam», asudžany na vosiem hadoŭ pazbaŭleńnia voli z adbyvańniem pakarańnia ŭ vychavaŭčaj kałonii za ŭžyvańnie i raspaŭsiudžvańnie narkatyčnych srodkaŭ.
U cełym pa krainie za siem miesiacaŭ biahučaha hoda nazirajecca rost na 7,9% (z 1420 da 1532) kolkaści złačynstvaŭ, učynienych niepaŭnaletnimi, a taksama ź ich udziełam.
