My viečna sprabujem paśpieć jak maha bolš, ale čas stać realistami i zrazumieć, čaho možna, a čaho nielha damahčysia adnymi tolki valavymi namahańniami, piša segodnya.ua.
Psichołah z Kałumbijskaha ŭniviersiteta Chejdzi Hrant Chałvarsan dakazvaje, što našaj siły voli časta prosta niedastatkova, kab supraciŭlacca spakusie. Jana prapanuje źnižać svaju zaležnaść ad siły voli z dapamohaj płanavańnia. Nie pakidajcie pryniaćcie pastanoŭ da apošniaha, a zahadzia płanujcie ich pavodle praviłaŭ «kali… to…»: tak vy prymiecie pravilnaje rašeńnie zahadzia i aŭtamatyčna.
Viadoma, płanavać usio nie atrymlivajecca, i tut jak raz zadziejničajecca siła voli. Siłu voli možna ŭmacoŭvać, jak muskuły, z dapamohaj pravilnaj nahruzki i praktykavańniaŭ, i, hetak ža, jak muskuły, jana moža słabieć.
Voś niekalki prostych i chutkich pryjomaŭ, jakija dazvalajuć naraścić unutranuju siłu:
1. Rabicie samaje składanaje z ranicy.
Eksperty ŭ pradukcyjnaści rajać: adzin z samych efiektyŭnych sposabaŭ spravicca ź niepryjemnymi abo ciažkimi spravami — heta ŭziacca za ich na samym pačatku dnia. Pakolki našy reziervy enerhii, adviedzienyja dla pryniaćcia rašeńniaŭ, abmiežavanyja, siła voli pamianšajecca na praciahu dnia. Kali vy adrazu raspraviciesia sa składanymi spravami, to paźbiehniecie sproby ŭchilicca ad ich paźniej.
2. Źješcie što-niebudź smačnaje.
Ludzi, jakija abapirajucca na siłu voli, kab skinuć vahu, ździviacca hetamu pryjomu, ale sałodkaje daje mozhu pryliŭ enerhii, jaki jamu patrebien dla padtrymańnia siły voli.
Daśledniki z Univiersiteta Fłarydy vyjavili, što kali ŭdzielniki daśledavańnia sprabavali prajavić samakantrol, uzrovień hlukozy ŭ kryvi ŭ ich mocna źnižaŭsia, što pryvodziła da słabych vynikaŭ u nastupnych zadačach, jakija patrabujuć siły voli. Kali ž im davali napoj z hlukozaj, ich siła voli viartałasia da normy.
Niekatoryja daśledčyki vykarystoŭvajuć dla pravierki hetaj teoryi napoi z cukram nakštałt limanadu, bolš nadziejna siłu voli umacoŭvaje ježa, u jakoj jość i białki, i kompleksnyja vuhlavody.
3. Razmaŭlajcie z saboj.
Spahada da siabie pavyšaje matyvacyju pry sprobach samaŭdaskanaleńnia, i mnohaje zaležyć ad taho, jak my razmaŭlajem z saboj.
Zvarot da siabie ŭ druhoj asobie — kali pačynać prapanovy sa słova «ty», — umacoŭvaje i našy realnyja pośpiechi ŭ źmienie pavodzin, i našy namiery stać lepš. Razmova z saboj u pieršaj asobie — kali my pačynajem prapanovy z «ja», — dapamahaje horš.
4. Supakojciesia.
Prapanavać kamuści supakoicca — heta, napeŭna, samy nieefiektyŭny sposab jaho supakoić. Ale, kali vy chočacie padmacavać siłu voli, biez hetaha nie abyścisia. Kali my adčuvajem mocny stres, naša cieła ŭvachodzić u režym «bi abo biažy». U hety čas my bijałahična schilnyja dziejničać, chutčej, instynktyŭna, čym łahična, a značyć, naša siła voli i enerhija na pryniaćcie rašeńniaŭ adychodziać na druhi płan.
Adzin ź lepšych sposabaŭ źnizić uzrovień stresu i pavysić zasiarodžanaść — miedytacyja, jakaja va ŭsich aśpiektach dapamahaje ciełu i rozumu. Joju zajmajucca navat na Uoł-stryt.
5. Śpicie bolš.
Šmatlikija daśledavańni paraŭnoŭvajuć niedasyp z apjanieńniem. Fond biaśpieki darožnaha ruchu navat śćviardžaje, što sonnyja kiroŭcy vinavatyja ŭ adnoj z šaści avaryj sa śmiarotnym zychodam, bo navat słaby niedachop snu padryvaje našu. kahnityŭnuju i cialesnuju dziejnaść na ŭzroŭni, supastaŭnym z ałkaholnym apjanieńniem. Pry niedasypie naš mozh hublaje kiravańnie nad učastkami, jakija adkazvajuć za žadańni i reakcyju na stres. Tamu prosty sposab palehčyć žyćcio mozhu i ŭmacavać siłu voli — heta paspać.
