U apošni dzień napiaredadni refierendumu ab niezaležnaści Šatłandyi abodva baki pravodziać mitynhi, imknučysia schilić vybarščykaŭ na svaju karyść.
Były premjer-ministr Hordan Braŭn, vystupajučy na zaklučnym mitynhu praciŭnikaŭ niezaležnaści, papiaredziŭ, što ekanamičnaje stanovišča niezaležnaj Šatłandyi budzie niaŭstojlivym. Jon zaklikaŭ vybarščykaŭ adkinuć nacyjanalizm.
Pieršy ministr Šatłandyi Aleks Sałmand, što viadzie kampaniju za niezaležnaść, zajaviŭ, što niezaležnaja Šatłandyja zachavaje ŭ jakaści valuty brytanski funt.
Raniej u intervju Financial Times jon raspavioŭ pra svajo bačańnie budučych adnosin z Anhlijaj, najlepšym raźvićciom jakich, na jaho dumku, stanie «valutny sajuz z našymi darahimi siabrami, susiedziami i samymi blizkimi da nas va ŭsim Suśviecie žycharami Anhlii».
18 vierasienia šatłandskija vybarščyki pavinny buduć dać stanoŭčy ci admoŭny adkaz na pytańnie «Ci pavinna Šatłandyja być niezaležnaj krainaj?»
