10 vieraśnia ŭ roznych rajonach Minska zahinuli dva matacyklisty. Mahčyma, svaju rolu ŭ hetym syhrali doždž i mokry asfalt.
Pieršaja avaryja adbyłasia kala 14.00 pablizu skryžavańnia vulic Kazimiraŭskaj i Niomanskaj.
Pavodle papiaredniaj infarmacyi, Kawasaki biez numaroŭ i KamAZ ruchalisia ŭ adnym kirunku: pa vulicy Kazimiraŭskaj ŭ bok vulicy Kamiennahorskaj. U vyniku DTZ 30-hadovy bajkier ad atrymanych traŭmaŭ zahinuŭ na miescy zdareńnia.
Druhoje DTZ z udziełam matacyklista adbyłosia ŭ Partyzanskim rajonie Minska kala 15.20.
- 24-hadovy matacyklist na Honda jechaŭ u krajniaj levaj pałasie vulicy Radyjalnaj z boku vulicy Vaŭpšasava ŭ napramku Zaparožskaj płoščy. U niejki momant jon urezaŭsia ŭ BMW, jaki spyniŭsia ŭ hetaj ža pałasie dla pavarotu naleva, — raspaviała pradstaŭnik DAI Partyzanskaha rajona Minska Taćciana Talaronak.
Ad udaru matacyklista adkinuła na pałasu sustrečnaha ruchu, dzie jaho pierajechaŭ Renault. U svaju čarhu kiroŭca Renault, sprabujučy paźbiehnuć najezdu, urezaŭsia ŭ furu. U vyniku bajkier apynuŭsia zabłakavanym pad aŭtamabilem.
- Pry dapamozie śpiecabstalavańnia ratavalniki dastali matacyklista z-pad aŭtamabila, adnak miedyki kanstatavali jaho śmierć, — paviedamiŭ pres-sakratar Minskaha haradskoha ŭpraŭleńnia MNS Vital Demboŭski. — Taksama pravodzilisia raboty pa debłakiroŭcy zacisnutaha ŭ sałonie Renault pasažyra — jon atrymaŭ traŭmy.