Pasły Jeŭrapiejskaha sajuza (ES) u treci raz adkłali rašeńnie ab ustupleńni ŭ siłu novych sankcyj suprać Rasii, paviedamlaje ŭ sieradu, 10 vieraśnia, ITAR-TASS sa spasyłkaj na jeŭrapiejskuju dypłamatyčnuju krynicu.
Pavodle jaje słovaŭ, kančatkovaje rašeńnie ES chutčej za ŭsio prymie nie raniej za 11 vieraśnia.
Jak minimum čatyry krainy prapanavali adkłaści ŭviadzieńnie sankcyj suprać Rasii na nastupny tydzień.
Jak patłumačyła krynica, takaja prapanova była zroblena na padstavie taho, što «asnoŭnaja častka sił, uciahnutych u kanflikt na ŭschodzie krainy (Ukrainy), vykonvajuć pieramirje. Takim čynam, upieršyniu z pačatku kryzisu možna kazać, što adbyvajecca realnaja razradka abstanoŭki».
Dla ŭviadzieńnia novaha pakieta jeŭrapiejskich sankcyj suprać RF u dziejańnie patrabujecca adnahałosnaje ŭchvaleńnie z boku ŭsich biez vyklučeńnia 28 krain Jeŭrasajuza.
