Užo ŭ druhi raz Studenckaje etnahrafičnaje tavarystva i Dziaržaŭny litaraturny muziej Janki Kupały zaprašajuć adznačyć tradycyjnaje śviata Bahač, jakoje sioleta adbudziecca ŭ Viazyncy 20 vieraśnia. Pačatak – a 12 hadzinie.
U narodnym kalendary Bahač prymierkavany da zakančeńnia zboru ŭradžaja («k hetamu času ŭ kožnaha ŭsiaho bahata») i pieršamu zapalvańniu chatniaha ahmieniu – vaskovaj śviečki ŭ łubkie z žytam, jakuju staviać na pokuć i zachoŭvajuć tam na praciahu ŭsiaho hoda, što prynosić u dom bahaćcie i ščaście. Abrad skiravany na zachavańnie dabrabytu, uradžajnaści, płodnaści žyvioły, siamiejnaha ładu.
Asnoŭnaj dziejaj śviata źjaŭlajecca ssypańnie ahulnaha Bahača. Tamu hetym hodam my znoŭ prosim usich haściej zachapić z saboj pa žmieńcy ziernia.
Na śviacie možna budzie pačuć dažynkavyja pieśni ad hurtoŭ «Suchadroŭka», «Rutvica», «Miareža», «Horyń», «Varhan» i «Guda», pahulać razam ź dziećmi na dziciačaj placoŭcy, nabyć na kirmašy što-niebudź cikavaje/smačnaje/pryhožaje, pasłuchać instrumientalnuju muzyku (zaprošanyja muzyki — Jaŭhien Baryšnikaŭ, Darja Zujeva, Vincent Jančy, Viktar Šypkoŭ, Vieranika Ancileŭskaja) i patancavać razam z tancavalnym kłubam «Sita», a taksama pakaštavać stravy narodnaj kuchni. Akramia hetaha, płanujem arhanizavać da śviata šerah inšych cikavostak.
Jak dajechać: elektryčka ź Miensku jedzie ŭ 10.46, prybyvaje ŭ Viazynku ŭ 11.37. Nazad ź Viazynki možna jechać u 16.40, 17.54, 18.44.
Udzieł u śviacie volny, ale dla ŭvachodu na terytoryju muzieja treba budzie kupić kvitok. Košt uvachodnaha kvitka 10000 Br, studentam 7000 Br, školnikam 5000 Br.
Z pytańniami źviartajciesia na numar +375 29 2588013 (Darja)
Sustreča ŭ sac. sietkach:
https://vk.com/bahacz_2014
https://www.facebook.com/events/1474916942779748/
