Pra heta ŭ svaim Facebook paviedamiła pres-sakratar Viarchoŭnaha suda Julija Laskova.
«15 vieraśnia ŭ sudzie Centralnaha rajona Minska pačniecca słuchańnie kryminalnaj spravy ŭ dačynieńni da 34-hadovaha žychara Minskaj vobłaści, jaki adpraviŭ z mabilnaha telefona paviedamleńnie ab najaŭnaści ŭ jaho vybuchovaha prystasavańnia i namieru padarvać jaho ŭ Minskim mietrapalitenie, — napisała jana, dadaŭšy, što
słuchańni projduć u zakrytym režymie».
Data abviaščeńnia vynikovaj častki prysudu budzie paviedamleńnie dadatkova.
Vypadak adbyŭsia 26 lutaha. Tady minskaja padziemka nie pracavała try hadziny. Staličnaja studentka padhladzieła ŭ čužym mabilniku paviedamleńnie: mužčyna pisaŭ pra namier uzarvać mietro.
Jak paviedamiŭ žurnalistam 31 lipienia pradstaŭnik upraŭleńnia Śledčaha kamiteta pa Minsku Alaksandr Hierasimaŭ, tekst taho paviedamleńnia byŭ nastupny:
«u mienia bomba ja v mietro hdie vzorvať kod aktivacii podskaži».
Dziejańni padazravanaha byli kvalifikavany jak zahadzia łžyvaje paviedamleńnie pra rychtavany vybuch, što stvaraje niebiaśpieku dla žyćcia i zdaroŭja ludziej, i paciahnuła naniasieńnie škody ŭ bujnym pamiery i inšyja ciažkija nastupstvy ŭ vyhladzie praciahłaha parušeńnia pracy hramadskaha transpartu. Škodu acanili bolš jak u 90 miljonaŭ rubloŭ.
«Padčas rasśledavańnia atrymany dadzienyja pra ździejśnienyja abvinavačanym inšych złačynstvaŭ: zhvałtavańnie zahadzia niepaŭnaletniaj, ździajśnieńnie inšych dziejańniaŭ seksualnaha charaktaru z asobaj, jakaja nie dasiahnuła 16-hadovaha ŭzrostu, a taksama demanstracyja zahadzia niepaŭnaletniamu videafilmaŭ parnahrafičnaha źmiestu,
Pa mierkavańni ekśpiertaŭ, abvinavačany maje psichičnyja adchileńni ad normy. Ustanoŭleny fakty jaho złoŭžyvańnia ałkaholem. Razam z tym, jon pryznany zdolnym uśviedamlać faktyčny charaktar i hramadskuju niebiaśpieku ździejśnienych dziejańniaŭ, a taksama ŭ poŭnaj miery razumieć ich značeńnie i kiravać imi».
