Halivudskaja pryhažunia Skarlet Jochansan ŭpieršyniu stała mamaj. 4 vieraśnia aktorka naradziła dačku, jakuju nazvała Roŭz.
Radasnuju navinu paviedamiŭ pres-sakratar amierykanki ź biełaruskimi karaniami Marsel Paryzo.
29-hadovaja Skarlet i jaje 31-hadovy bojfrend — francuzski žurnalist Ramen Daryjak — majuć namier zaścierahčy dačku ad nazojlivaj uvahi pradstaŭnikoŭ ŚMI. Pa słovach Ramena, 29-hadovaja maładaja mama i dačka adčuvajuć siabie dobra.
Skarlet i Ramen zaručylisia ŭ vieraśni 2013 hoda. Daryjak raniej pracavaŭ hałoŭnym redaktaram francuzskaha časopisa pra mastactva Clark. Zaraz jon kiruje rekłamnym ahienctvam. U adnym ź intervju aktorka pryznałasia, što pa-sapraŭdnamu zakachanaja ŭ Ramena: «Jon moj čałaviek. Ja vielmi rada, što pobač jość toj, na kaho ja mahu zaŭsiody spadziavacca».
Ab ciažarnaści halivudskaj aktrysy stała viadoma ŭ kancy sakavika. Uzimku 2014 Skarlet pryznavałasia, što jany z Ramenam nie śpiašajucca ź viasiellem, niahledziačy na zaručyny.
Jochansan raniej užo była zamužam za kanadskim akcioram Rajanam Rejnaldsam.
