Novyja sankcyi Jeŭrasajuza ŭ dačynieńni da Rasii mohuć zakranuć nie tolki ekanomiku i finansavy siektar, ale i sport. Pra heta paviedamiła češskaje ahienctva ČTK sa spasyłkaj na prajekt sankcyj, atrymany uradam Čechii z Brusiela.
U prajekcie sankcyj havorycca pra toje, kab krainy-členy ES razhledzieli pytańnie ab prypynieńni členstva Rasii ŭ šerahu mižnarodnych spartyŭnych arhanizacyj.
«U takim vypadku Rasija nie mahła b udzielničać u čempijanacie śvietu pa futbole abo ŭ spabornictvach, jakija prachodziać pad ehidaj UEFA: u kvalifikacyi čempijanatu Jeŭropy i ŭ Lizie čempijonaŭ», — cytuje «R-Sport» dadzienyja češskaha ahienctva.
Dadamo, što, pavodle dadzienych Reuters, niekatoryja krainy ES u ramkach raspracoŭki novaha pakieta sankcyj prapanujuć abmiežavać udzieł Rasii ŭ spartyŭnych mierapryjemstvach.
