Fota Darius Jankauskas
Na hetym tydni čakajecca ciopłaje kamfortnaje nadvorje,
paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ u chodzie videabryfinhu 1 vieraśnia.
«Z prychodam vieraśnia ŭ Biełarusi pačnie ŭzmacniacca ŭpłyŭ skandynaŭskaha antycykłona. Jon pryniasie cudoŭnuju paru babinaha leta ŭ našaj krainie. Ustanovicca kamfortnaje, cichaje i suchoje nadvorje», — skazaŭ Rabaŭ.
U aŭtorak pieravažna biez apadkaŭ, tolki va ŭschodnich rajonach adabjecca ŭpłyŭ frantalnaha raździeła, tam miescami projduć karotkačasovyja daždžy, u dzionnyja hadziny mahčymy navalnicy. Nočču i ranicaj u asobnych rajonach krainy tuman. Tempieratura nočču ad plus 5°S na paŭnočnym zachadzie da plus 14°S na paŭdniovym uschodzie krainy, dniom plus 16—21°S, u paŭdniova-ŭschodnich rajonach da plus 23°S.
U sieradu i čaćvier biez apadkaŭ. Nočču i ranicaj miescami tuman. Tempieratura pavietra nočču plus 5—12°S, dniom plus 16—23°S.
U piatnicu i subotu pieravažna biez apadkaŭ. Nočču i ranicaj miescami tuman. Tempieratura nočču plus 5—11°S, dniom plus 17—24°S.
Pavodle słoŭ sinoptyka, «u niadzielu na fonie pavyšanaha atmaśfiernaha cisku budzie prachodzić małaaktyŭny atmaśfierny front, jaki pryniasie miescami, pieravažna pa paŭnočnym uschodzie, karotkačasovyja daždžy». Nočču i ranicaj u asobnych rajonach tuman. Tempieratura nočču plus 6—12°S, dniom plus 15—22°S, pa poŭdni miescami da plus 24°S.
«U cełym pieršy vosieński miesiac u bolšaści dzion paraduje nas nadvorjem.
Siaredniaja miesiačnaja tempieratura pavietra čakajecca na adzin hradus vyšejšaj za siarednija šmathadovyja značeńni (klimatyčnaja norma plus 11—13°S). Daždžoŭ čakajecca mała: miesiačnaja kolkaść apadkaŭ miarkujecca mienšaj za klimatyčnuju normu, jakaja składaje 50—71 mm», — skazaŭ Rabaŭ.
