Nieviadomyja napali na deputata Pskoŭskaha abłasnoha Schodu deputataŭ, kiraŭnika miascovaha adździaleńnia partyi «Jabłoko» Lva Šłośbierha, jaki vioŭ rasśledavańnie ab hibieli pskoŭskich desantnikaŭ.
Jak paviedamiŭ u svaim «Tvitery» lidar «Jabłoka» Siarhiej Mitrochin, napad byŭ ździejśnieny za 300 mietraŭ ad doma deputata. Napadnikaŭ było dvoje, jany źbiehli.
Ciapier deputat znachodzicca ŭ abłasnoj balnicy, u jaho dyjahnastavanaja čerapna-mazhavaja traŭma i častkovaja strata pamiaci.
«Napad na Lva Šłośbierha, chutčej za ŭsio, źviazany ź jaho rasśledavańniem ab hibieli pskoŭskich desantnikaŭ», - napisaŭ Mitrochin.
Žurnalisty i błohiery ŭžo bolš za tydzień rasśledujuć paviedamleńni ab tym, što rasijskija desantniki z Pskova apynulisia ŭ zonie bajavych dziejańniaŭ va Ukrainie, niekatoryja navat zahinuli abo trapili ŭ pałon.
