Vyznačany košt padručnikaŭ i vučebnych dapamožnikaŭ dla školnikaŭ i daškolnikaŭ na 2014/2015 navučalny hod.
Zhodna z pastanovaj Ministerstva adukacyi № 126 ad 12 žniŭnia, košt padručnikaŭ i rabočych sšytkaŭ, nieabchodnych dla atrymańnia daškolnaj adukacyi, składzie ad 4.100 da 4.500 rubloŭ za asobnik.
Jak i ŭ papiarednija hady, baćki školnikaŭ buduć apłačvać pałovu koštu padručnikaŭ. Tak, kamplekt dla pieršaha kłasa abydziecca baćkam u 35.700 rubloŭ pry poŭnym košcie 71.399 rubloŭ, druhoha kłasa — 28.300 rubloŭ (56.507), treciaha — 54.200 rubloŭ (108.468), čaćviortaha — 59.000 rubloŭ (118.016), piataha — 72.300 rubloŭ (144.598), šostaha — 44.300 rubloŭ (88.638), siomaha — 47.400 rubloŭ (94.812), vośmaha — 48.300 rubloŭ (96.550), dziaviataha — 67.500 rubloŭ (135.092), dziasiataha — 83.700 rubloŭ (167.403), adzinaccataha — 83.500 rubloŭ (167.040).
Takim čynam, minimalny košt kamplektu školnych padručnikaŭ sioleta składzie 28.300 rubloŭ, maksimalny — 83.700. Letaś hetyja ličby składali adpaviedna 19.300 i 72.250 rubloŭ.
