Prezident Ukrainy Piatro Parašenka vystupić pierad lidarami krain — členaŭ Jeŭrasajuza na pasiadžeńni Jeŭrapiejskaha savieta ŭ subotu, 30 žniŭnia, u Bruseli z nahody eskałacyi ŭkrainskaha kryzisu. Pra heta na svajoj staroncy ŭ Twitter paviedamiŭ staršynia Jeŭrapiejskaha savieta Chierman Van Rampiej.
«Prezident Parašenka zaprošany vystupić pierad lidarami ES u subotu pa situacyi va Ukrainie», — napisała pres-słužba spadara Rompieja.
Akramia taho, pres-słužba prezidenta Jeŭraparłamienta Marcina Šulca taksama paviedamiła, što Piatro Parašenka paśla pramovy na pasiadžeńni Jeŭrapiejskaha savieta sustreniecca asobna sa spadarom Šulcam, kab abmierkavać kryzis va Ukrainie.
Napiaredadni niamiecki kancler Anhieła Mierkiel paviedamiła, što na sustrečy ŭ Bruseli lidary krain ES abmiarkujuć mahčymaść uviadzieńnia novych sankcyj suprać Rasii.
