Kamitet dziaržkantrolu Minskaj vobłaści vyjaviŭ fakty niezakonnaj raspracoŭki radoviščaŭ i niajakasnaj zdabyčy karysnych vykapniaŭ, paviedamlaje pres-słužba KDK.
Pravierka pakazała, što pry hetym nie ažyćciaŭlajecca naležny ŭlik zdabyvajemych pryrodnych resursaŭ, što pryviało da skažeńnia statystyčnaj i padatkovaj spravazdačnaści, a taksama zanižeńnia padatkaŭ.
Naprykład, u chodzie pravierki adnaho z darožnych ramontna-budaŭničych upraŭleńniaŭ ustanoŭleny šmatlikija parušeńni ziamielnaha zakanadaŭstva i zakanadaŭstva ab nietrach pry raspracoŭcy karjera ŭ Kleckim rajonie. Sa studzienia pa kastryčnik 2012 hoda pradpryjemstva samavolna zdabyvała karysnyja vykapni pry adsutnaści akta, jaki śviedčyć horny advod. Raboty ŭ karjery pravodzilisia biez prajektnaj dakumientacyi na raspracoŭku i rekultyvacyju.
Pradpryjemstvam taksama parušany ŭmovy źniaćcia, vykarystańnia i zachavańnia ŭradlivaha słoju hleby pry raspracoŭcy ziamielnaha ŭčastka, vydzielenaha pad karjer, u tym liku dapuščana častkovaja strata ŭradlivaha słoju hleby i nienaležnaje jaho składziravańnie ŭ burty.
Raspracoŭka ŭ karjery radovišča piasčana-hravijnaj i hravijna-piasčanaj sumiesiej viałasia biez vykanańnia adpaviednaj prajektnaj dakumientacyi, a taksama technałahičnych schiem i sposabaŭ prachodki. Byli dapuščany i inšyja parušeńni.
Pa vynikach pravierki KDK Minskaj vobłaści aštrafavaŭ pradpryjemstva i jaho try słužbovyja asoby na 27 młn rubloŭ.
Akramia taho, pa prapanovie dziaržaŭnych kantraloraŭ pradpryjemstvam nakiravana chadajnictva Biełaruskaj hieołaharaźviedačnaj ekśpiedycyi filijału RUP «NPC pa hieałohii» ab vykanańni pieraacenki raniej zaćvierdžanych zapasaŭ radovišča hravijna-piasčanaj sumiesi ŭ Kleckim rajonie. Pa jaje vynikach KDK daść acenku pravilnaści adlustravańnia pradpryjemstvam abjomaŭ zdabyčy karysnych vykapniaŭ u 2012—2013 hadach u statystyčnaj i padatkovaj spravazdačnaści, a taksama budzie ažyćcioŭleny pieraraźlik padatku na zdabyču pryrodnych resursaŭ.
Parušeńni taksama vyjaŭleny ŭ dziejnaści jašče adnaho nietrakarystalnika, jaki sa studzienia 2012 hoda pa krasavik 2013 hoda bieź licenzii vioŭ raspracoŭku radovišča hravijna-piasčanaj sumiesi «Panizoŭskaje» ŭ Łahojskim rajonie, a z krasavika 2013 hoda pa červień 2014 hoda — raspracoŭku hetaha ž radovišča z parušeńniem umoŭ licenzavańnia. Za hety pieryjad pradpryjemstva ad takoj niezakonnaj pradprymalnickaj dziejnaści atrymała dachod na 4,2 młrd. rubloŭ. Bolš za toje, bolš za dva hady tavarystva dla raspracoŭki karjera i absłuhoŭvańnia padjaznoj aŭtamabilnaj darohi samavolna vykarystoŭvała ziamielny ŭčastak płoščaj zvyš 21 ha.
Pa vynikach pravierki Barysaŭskim mižrajonnym kamitetam dziaržkantrolu heta kampanija i jaje dyrektar aštrafavanyja adpaviedna na 37,5 i 3 młn rubloŭ, tavarystvu danaličanyja ziamielny padatak i padatak na nieruchomaść, a taksama pienia na 1,9 młrd rubloŭ.
