Z-za pažaru ŭ minskaj łaźni było evakujavana 30 čałaviek, paviedamili ŭ pres-słužbie Minskaha haradskoha ŭpraŭleńnia MNS.
U centr apieratyŭnaha kiravańnia MNS 28 žniŭnia ŭ 15.29 pastupiła paviedamleńnie pra pažar pa vulicy Maskoŭskaj, 7a, u łaźni № 7 UP «Haradskija łaźni».
«Adbyłosia ŭzharańnie ŭ parylnym adździaleńni (3ch4 m) draŭlanaj abšyŭki na płoščy 4 kv. m. Spracavała sistema aŭtamatyčnaj pažarnaj sihnalizacyi. Pažar likvidavany ŭ 16.19. U vyniku pažaru paškodžana draŭlanaja abšyŭka parylnaha adździaleńnia, zakurany pamiaškańni treciaha paviercha»,— paviedamlaje MNS.
Mierkavanaja pryčyna pažaru — parušeńnie pravił ekspłuatacyi hazavych pryład i ahrehataŭ.
0
0
0
0
0
0