Sioleta spaŭniajecca sto hadoŭ z dnia naradžeńnia biskupa Česłava Sipoviča - pieršaha biełaruskaha hreka-katalickaha biskupa u XX stahodździ.
Naradziŭsia jon u 1914 hodzie, 8 śniežnia (značyć 25 listapada pavodle julijanskaha kałjendara) u sialanskaj siamji ŭ vioscy Dziedzinka, u parafii Idołta, u Brasłaŭskim paviecie. Siońnia vioska nazyvajecca Małaja Dziedzina.
U subotu 30 žniŭnia a 10.00 u kaplicy hreka-katalickaj Parafii Praviednaha Jazepa ŭ h. Minsku (vuł. Ardžanikidzie, 6), budzie adsłužanaja Archijerejskaja Liturhija z udziełam apostalskaha nuncyja ŭ Biełarusi archibiskupa Kłaŭdzija Hudžeroci.
U niadzielu 31 žniŭnia ŭ Drui (Brasłaŭski r-n) sumiesnaje – razam z ryma-katalikami - śviatkavańnie 100-ha Jubileju Biskupa Česłava.
Na śviata prybuduć apostalski nuncyj u Biełarusi archibiskup Kłaŭdzij Hudžeroci, biskup viciebski Aleh Butkievič, apostalski vizitatar dla hreka-katalikoŭ Biełarusi archimandryt Siarhiej Hajek, asistent apostalskaha vizitatara dla biełarusaŭ zamiežža mitrafornaha protaijereja Alaksandra Nadsana ajciec Siarhiej Stasievič (Łondan).
15.00 – Akafist da Baharodzicy.
15.30 – Uvodnaje słova pra žyćcio i dziejnaść biskupa Česłava Sipoviča pramović asistent apostalskaha vizitatara dla biełarusaŭ zamiežža mitrafornaha protaijereja Alaksandra Nadsana ajciec Siarhiej Stasievič.
16.00 hadz. – śviataja imša ŭ kaściole Najśviaciejšaj Trojcy ŭ Drui, jakuju ŭznačalić i pramović hamiliju apostalski nuncyj u Biełarusi archibiskup Kłaŭdzij Hudžeroci.
Uračystaje adkryćcio pamiatnaj tablicy ź biustam biskupa Česłava Sipoviča i aśviačeńnie abraza sv. Juzafa, jaki napisała mastačka Vola Kuvajeva.
31.08.2014 ź Minska pajedzie aŭtobusnaja Pilihrymka ŭ Druju (praz Brasłaŭ); adpraŭleńnie ź Minska ŭ 06:30.
Jość jašče svabodnyja miescy, zapisy pa teł. +375-29-3098602, s. Viktoryja.
