U aŭtadarožnym punkcie propusku «Brest» 24 žniŭnia byŭ zatrymany hramadzianin Rasii, jaki sprabavaŭ pravieźci cieraź miažu marychuanu.
Jak paviedamili u Bresckaj pahraničnaj hrupie, čaćviora maładych rasijan, jakija ŭjazdžali z Polščy ŭ aŭtamabili «Falksvahien», vybrali zialony kalidor. Ź inicyjatyvy bresckich pamiežnikaŭ paśla pierasiačeńnia linii, jakaja abaznačaje vyjezd ź zialonaha kalidora, transpartny srodak byŭ spynieny i nakiravany ŭ boks dla pahłyblenaha nadhladu.
Heta vymusiła vadziciela «Falksvahiena» 22-hadovaha žychara Maskvy pasprabavać pazbavicca ad pačka mołataj kavy, što było zafiksavana sistemaj videanazirańnia. Padčas nadhladu, praviedzienaha sumiesna z supracoŭnikami Bresckaj mytni, u pačku byli znojdzieny dzieviać pakietaŭ z rečyvam raślinnaha pachodžańnia zialonaha koleru ahulnaj vahoj 6,4 h, jak miarkujecca, marychuanaj.
Rečyva kanfiskavanaje supracoŭnikami Bresckaj mytni i nakiravanaje na ekśpiertyzu.
U vyniku nadhladu ŭ asabistych rečach pasažyraŭ taksama byli znojdzienyja dźvie kurylnyja trubki. Praviedzieny śpiecyjalistami narkałahičnaha dyspansiera ahlad ustanaviŭ fakt užyvańnia vadzicielem i tryma jaho pasažyrami narkatyčnych srodkaŭ biez prykmiet narkatyčnaha apjanieńnia.
Vadziciel «Falksvahiena» zatrymany. Bresckaj mytniaj u dačynieńni da jaho raspačataja sprava na padstavie č. 2 art. 228 KK (kantrabanda). Zatrymany rastłumačyŭ, što pieravieźci narkotyki cieraź miažu jaho paprasiŭ nieviadomy.