fota Siarhieja Hudzilina
«Ja nie admaŭlaŭsia i nie admaŭlajusia ad palityčnaj dziejnaści, — kaža lidar ruchu «Za Svabodu» Alaksandr Milinkievič.
— Ale zaŭsiody kazaŭ, što napierad pavinna vychodzić novaje pakaleńnie, patrebnaja ich raskrutka. Nie abaviazkova vybirać z adnoj i toj ža apazicyjnaj abojmy. Nam, starejšym, treba stać pobač, dapamahčy moładzi. Vielmi prykra, što ŭ siońniašnich umovach, skažam, były načalnik pradpryjemstva, ci kiraŭnik horada, ci ministr nie mohuć pajści ŭ apazicyju, bo za heta jany siaduć u turmu».
Tym nie mienš, Milinkievič havoryć, što ŭ vypadku vyłučeńnia jaho kandydatam na Kanhresie demakratyčnych siłaŭ brać samaadvod nie budzie.
«Kali pierad hetym adbudziecca kansalidacyja patryjatyčnych siłaŭ, to ja hatovy ŭdzielničać».
Raniej havaryłasia, što mahčymym kandydatam ad ruchu «Za Svabodu» moža stać palitołah i vykładčyk Aleś Łahviniec. «Jaho kandydatura abmiarkoŭvajecca. Jak i šerahu inšych asob, nie chaču nazyvać ich imiony. My majem vialiki śpis patencyjnych kandydataŭ — heta i byłyja namienkłaturščyki, i dziejačy kultury, i hramadskija dziejačy, i, kaniečnie, palityki. Usio vyrašyć Kanhres demsiłaŭ. Biez Kanhresu my ryzykujem trapić u situacyju 2010 hoda».
Siońnia ŭdzieł u vybarach — heta baraćba za ŭładu ci sproba danieści da vybarcaŭ svaje pohlady? Milinkievič ličyć, što «pieramoha ŭ lubym vypadku pavinna być metaj numar adzin», ale pry hetym pavinna być i prahrama minimumu — źmianiać pohlady ludziej, pravodzić šyrokuju ahitacyjnuju i aśvietnickuju kampaniju.
Palitołah Andrej Kazakievič kaža, što ŭ siońniašnich umovach, u suviazi z padziejami va Ukrainie, płan Płoščy moža być niebiaśpiečnym dla Biełarusi.
«Ludzi zadavolenyja toj psieŭdastabilnaściu, jakuju majuć siońnia. Jany nie ŭsprymuć radykalnych zachadaŭ i kryvavych revalucyj. Dy ja i sam suprać kryvavych revalucyj. Pieramieny musiać adbyvacca tolki mirnym šlacham. Što tyčycca Płoščy, to jaje źbirać, biezumoŭna, treba, ale Płošču ćviorda ź mirnymi metami, kantralavanuju, nielha dapuścić biesparadkaŭ. Raniej zaŭsiody ŭ apazicyi byli družyny, dužyja chłopcy, jakija ŭ vypadku kidańnia kamieńnia ci čahości inšaha zdolnyja vyvieści pravakatara za kaŭnier z natoŭpu dy zdać jaho ŭ milicyju. Treba da hetaha viartacca», — havoryć Milinkievič.
Milinkievič paviedamlaje, što vyjści na adzinaha kandydata na hetych vybarach budzie niaprosta.
Jon kaža, što dla jaho važnaje abjadnańnie na hlebie kaštoŭnaściaŭ i idejaŭ. «Buduć i takija ludzi, jakija ŭ žadańni skinuć uładu buduć hladzieć na Maskvu, sprabavać abapiracca na jaje dapamohu, nam ź imi nie pa darozie».
Ci chopić u Alaksandra Milinkieviča zdaroŭja pravieści paŭnavartasnuju vybarčuju kampaniju. Za apošnija hady jon pieražyŭ niekalki apieracyj na nahach. «Ja małady jak nikoli. Ceły miesiac adpačyvaŭ u Bierštach. Płavaŭ kožny dzień pa 2-3 kiłamietry. Hałava taksama pracuje vydatna. Pakul što ŭ ludziej daminuje piesimizm u pytańni mahčymaści źmieny ŭłady, budziem pracavać, kab źmianić situacyju», — padsumoŭvaje palityk.
