Rasijski forvard Dźmitryj Syčoŭ voźmie ŭdzieł u zdymkach mastackaha filma «Karobka».
Dźmitryj Syčoŭ pravioŭ u 2013 h. čatyry miesiacy ŭ arendzie ŭ minskim «Dynama», fota Tut.by
Premjera karciny zapłanavana na 2015 hod, biudžet prajekta - 2,7 miljona dalaraŭ. Syčoŭ vykanaje rolu treniera junackaj kamandy, paviedamlaje lenta.ru.
«Kościa daŭno maryć trapić u miascovuju junackuju futbolnuju kamandu, ale nie rašajecca padyści da treniera kamandy. Adnojčy Kościa ź siabrami prychodzić u spartyŭnaje pamiaškańnie ŭ dvary, kab pahulać u futboł. Ale pamiaškańnie ŭžo zaniała kampanija kaŭkazskich chłopcaŭ. Pamiž ruskimi i kaŭkazcami ŭźnikaje kanflikt. Kościa prapanuje zhulać u futboł na hetaje pamiaškańnie-karobku — chto prajhraje, toj bolš nikoli tut nie źjavicca. Try dni, try hulni, čatyry na čatyry čałavieki», — havorycca ŭ anatacyi da filma.
Zdymki zaraz prachodziać u Maskvie i praciahnucca da vieraśnia.
Syčoŭ pačynaŭ karjeru ŭ maskoŭskim «Spartaku», zatym hulaŭ za francuzski «Marsiel», maskoŭski «Łakamatyŭ», u pačatku 2013 h. byŭ addadzieny ŭ arendu na čatyry miesiacy ŭ minskaje «Dynama». Za biełaruski kłub pravioŭ niekalki matčaŭ, u pryvatnaści, vyznačyŭsia dublem u matčy Lihi Jeŭropy suprać litoŭskaj «Kruoi».
