U knižnaj łaŭcy Pietra-Paŭłaŭskaha sabora na Niamizie ŭ Minsku lažyć kniha Michaiła Palikarpava «Ihoŕ Striełkov — užas bandierovskoj chunty. Oborona Donbassa».
Fota źmiaściła ŭ svaim Fejsbuku Natalla Vasilevič.
Ihar Strałkoŭ-Hirkin — kamandujučy h.zv. armijaj Navarosii — armijaj samaabvieščanaj Danieckaj narodnaj respubliki.
Kniha vyjšła ŭ 2014 h u rasijskim vydaviectvie «Knižnyj mir», na sajcie ozon.ru paznačajecca jak bestseler.
U mini-anatacyi napisana: «Navarosija ŭ ahni vajny. Ci stanie hetaja vajna kropkaj adliku adradžeńnia Rasii? Chto adkaža na hetaje pytańnie?
Być moža, Ihar Strałkoŭ i jaho stalnyja paŭstancy, jakija hrudźmi zakryli ad amierykana-ŭkrainskich fašysckich ordaŭ harady i vioski Danbasa?
Pałkoŭnik Strałkoŭ, jašče ŭčora mała kamu viadomy ŭ Rasii historyk, rekanstruktar, žurnalist i voin, jaki prajšoŭ prydniastroŭskuju, juhasłaŭskuju i čačenskuju vojny staŭ novym tvaram Rasii, jakaja ŭzdymajecca z kaleniaŭ. Pa-rycarsku vysakarodny, mužny, ćviordy, ale spraviadlivy — honar, rozum i sumleńnie ruskaha naroda — niezdarma jamu tak da tvaru epalety Ruskaj impieratarskaj armii, niezdarma jon, patomny ruski aficer, tak padobny tvaram i vypraŭkaj na ŭnuka hienieralisimusa Suvorava.
Jak b nie paviarnuŭsia da jaho jaho vajenny los, Ihar Ivanavič Strałkoŭ ŭžo nazaŭždy ŭpisaŭ svajo imia ŭ historyju słaŭnaj abaronaj novaha ruskaha Stalinhrada, horada sa šmatznačnaj, i, napeŭna, nie vypadkovaj nazvaj — Słaviansk.
Hetaja kniha — pieršaja bijahrafija zahadkavaha hieroja našaha času pałkoŭnika Strałkova, u jakoj pradstaŭleny jak uspaminy jaho blizkich siabroŭ, tak i materyjały z roznych krynic, uklučajučy asabistyja dziońniki kamandujučaha ŭzbrojenymi siłami Danieckaj Narodnaj Respubliki, u jakich jon apisvaje bitvu za Słaviansk i adkryta adkazvaje na niazručnyja pytańni».
Michaił Palikarpaŭ — aŭtar knih pra baraćbu sierbskaha naroda, jakoha pradali «siabry».
Voś takaja anatacyja, što havoryć sama za siabie.
