Rasija ŭdziačnaja Minsku za prapanovu placoŭki dla pieramoŭ z Ukrainaj, adnak adnoj sustrečy budzie niedastatkova, zajaviŭ ministr zamiežnych spraŭ RF Siarhiej Łaŭroŭ 30 lipienia na pres-kanfierencyi ŭ Dušanbe, paviedamlaje RIA Novosti.
«My niaźmienna vystupajem za pieramovy, my vitajem lubuju mahčymaść, jakaja dla hetaha dajecca, i ŭ hetym sensie my, viadoma, cenim prapanovu Biełarusi. My budziem vitać kantakty i vykazvajem padziaku našym biełaruskim kaleham za toje, što jany dapamahajuć ukraincam usio ž sieści za stoł pieramoŭ», — skazaŭ Łaŭroŭ.
«Jak by ni stavicca da taho, što našy zachodnija partniory robiać u dačynieńni da Biełarusi (sprabavali sankcyi ŭvodzić u dačynieńni da hetaj krainy, adłučać ad Savieta Jeŭropy), ale kali nastupiła chvilina iściny, Minsk staŭ prymalnym dla ŭsich u jakaści placoŭki dla praviadzieńnia pieramoŭ pamiž ukrainskimi bakami. Heta havoryć ab reputacyi Biełarusi na mižnarodnaj arenie i ab tym, što
sumlennaja palityka ŭ vyniku pryznajecca navat tymi, chto adčuvaje niepryjaznaść da toj ci inšaj dziaržavy ci jaje kiraŭnika», — cytuje Łaŭrova ITAR-TASS.
Pavodle jaho słoŭ, Rasija budzie rabić usio, što ad jaje zaležyć, dla pačatku pieramoŭ pamiž kanfliktujučymi bakami va Ukrainie. «Asablivuju tryvohu vyklikaje hłyboki kryzis na Ukrainie. Niahledziačy na našy nieadnarazovyja papiaredžańni zachodnim partnioram ab niedapuščalnaści sprob stavić Ukrainu pierad iłžyvym vybaram — abo jana z Zachadam, abo z Rasijaj, nas admovilisia čuć. U vyniku kraina pa sutnaści ŭciahnuta ŭ hramadzianskuju vajnu», — skazaŭ rasijski ministr.
Nahadajem, viečaram 29 lipienia prezident Ukrainy źviarnuŭsia da kiraŭnika biełaruskaj dziaržavy z prośbaj pryciahnuć Respubliku Biełaruś u jakaści placoŭki dla praviadzieńnia pieramoŭ z udziełam usich zacikaŭlenych bakoŭ pa vyrašeńni ŭkrainskaha kryzisu. «Alaksandr Łukašenka pahadziŭsia z hetaj inicyjatyvaj», — paviedamiła pres-słužba.
