Hrupa kampanij «Tapas» pabuduje šmatfunkcyjanalny administracyjna-žyły kompleks u rajonie praśpiekta Pieramožcaŭ u Minsku, paviedamili ŭ pres-słužbie pradpryjemstva.
Fizkulturna-spartyŭny kompleks i hrupa mała- i siaredniepaviarchovuju žyłych damoŭ z abjektami absłuhoŭvańnia i handlu ŭ rajonie praśpiekta Pieramožcaŭ, vulic Brasłaŭskaj, Cimirazieva mierkavana budzie mieć nazvu «Alimpik Park».
Prajektam prapanujecca budaŭnictva šmatfunkcyjanalnaha kompleksu ŭzdoŭž Brasłaŭskaj ad Pieramožcaŭ da miažy, jakaja znachodzicca ŭ pastajannym karystańni TAA «Handlovy dom «Ždanovičy», z dobraŭparadkavańniem prylehłaj terytoryi - častki łandšaftna-rekreacyjnaj zony (prahułačny park) i piešachodnaj zony ŭzdoŭž Pieramožcaŭ pamiž prajeznaj častkaj i sažałkaj «Labiažaj». Płanujecca ŭźviadzieńnie: fizkulturna-azdaraŭlenčaha kompleksu; restarana z dobraŭparadkavanaj prylehłaj terytoryjaj; žyłoha kvartała z abjektami absłuhoŭvańnia nasielnictva; administracyjna-handlova-zabaŭlalnaha centra.
«Metaj realizacyi hetaha prajekta akramia budaŭnictva žyłoj nieruchomaści źjaŭlajecca: akulturvańnie terytoryi kala bijałahičnaha zakaźnika «Labiažy»; udaskanaleńnie i raźvićcio sacyjalnaj infrastruktury rajona; budaŭnictva sučasnaha šmatfunkcyjanalnaha fizkulturna-spartyŭnaha kompleksu, jaki maje vialikuju sacyjalnuju značnaść dla rajona», - adznačyli ŭ kampanii.
Zhodna z zahadam prezidenta № 365 ad 21 lipienia, apublikavanym 23 lipienia na Nacyjanalnym pravavym internet-partale, zabudoŭščyku pradastaŭleny padatkavyja i mytnyja lhoty. Prajekt płanujecca realizavać u 2014-2019 hadach.