U mahazinach biaspošlinnaha handlu duty free na biełaruskaj miažy pavinny być bolš šyroka pradstaŭleny ajčynnyja tavary, zajaviŭ na pres-kanfierencyi 23 lipienia ŭ Minsku ministr handlu Valancin Čakanaŭ.
«Siońnia hetaje pytańnie kuryruje mytny kamitet. My sa svajho boku padrychtavali dakumient, jaki zaklučajecca pamiž pradaŭcom biełaruskaha tavaru i mahazinam. Vy viedajecie, takuju zadaču pastaviŭ prezident, kab u hetych mahazinach byŭ biełaruski tavar. Jon užo źjaŭlajecca, ale jaho vielmi mała. My ličym, što našy cukierki, vinna-harełačnyja vyraby, parfumierna-kaśmietyčnyja i hałantarejnyja tavary pavinny być pobač. U nas jość narmalny tavar, narmalnaj jakaści», — ličyć ministr.
Jon nahadaŭ, što ŭ adpaviednaści z ukazam prezidenta mahaziny duty free mohuć raźmiaščacca nie tolki ŭ aeraporcie abo dla dypkorpusu ŭ Minsku. «Užo takija mahaziny poŭnym chodam adkryvajucca na hranicach na čyhunačnych i aŭtamabilnych pierachodach», — skazaŭ jon.