Palaŭničy: Raz, dva, try, čatyry, piać - vyjšaŭ zajčyk pahulać. Tut taki ja vybiahaju, prosta ŭ zajčyka stralaju! Pif-paf - oj-jo-joj, pamiraje zajčyk moj! U botach i čyrvonym kaŭpaku…
Suśvietnaja supolnaść: Tak ty afihieŭ, ty zabiŭ Santu!
Palaŭničy (vydalajučy papiaredniaje paviedamleńnie): Jaki žach! Hety laśnik zusim afihieŭ i zabiŭ Santu!
Hrečaski chor mudakoŭ: Praklaty laśnik!
Błohier: Heta sapraŭdy laśnik. U palaŭničaha navat strelby niama.
Ekśpiert pa palaŭničym: U palaŭničaha jość strelba, ale niaspraŭnaja. Usie spraŭnyja strelby ŭ leśnika.
Ekśpiert pa strelbach: Strelba nie moža stralać dalej ŭłasnaha stvała, zabić sa strelby niemahčyma.
Ispanski łyžnik: Ja ispanski łyžnik! Ja dakładna viedaju, što Santu zabiŭ laśnik siakieraj!
Vidavočca: Santu atrucili! Jon bieh ŭžo miortvym!
Ekśpiert pa cackach: Heta byŭ samy dziŭny Santa. U jaho ŭ miašku 600 cacak. Navošta b narmalny darosły mužyk nios praź les miašok cacak?
Ekśpiert pa marozie: Ja dakładna viedaju, što ŭ sapraŭdnaha Santy niama kaŭpaka, pobač Śniahurka, a kličuć jaho Dzied Maroz.
Kałumnist: Kamu vyhadna? Tolki leśniku vyhadna, kab u zabojstvie Santy abvinavačvali nie leśnika!
Ekśpiert pa lasach: Nie važna, chto stralaŭ. Trahiedyi b nie zdaryłasia, kali b laśnik sačyŭ za svaim lesam.
Błohierka: Zabłytanaja historyja, sucelnyja niestykoŭki! Streł čuli zusim u inšym lesie. Santa upaŭ nie tam, kudy bieh. Na kalendary była piatnica, ale niekatoryja śviedki bačyli na kalendary aŭtorak! Laśnik usio zabłytaŭ!
Šyzafrenik: MAKSIMALNY REPOST!!! Sa słovaŭ «santa» i «palaŭničy» atrymlivajecca słova «santechnik»! Santu zabiŭ santechnik!
Suśvietnaja supolnaść: Tym časam palaŭničy nie puskaje nas na miesca zdareńnia.
Palaŭničy: Praklaty laśnik!
Hrečaski chor mudakoŭ: Praklaty laśnik!
Amierykanski lotčyk: My bačyli ŭ binokl, jak palaŭničy stralaŭ u Santu sa svajoj strelby.
Błohier: Nu, možna padumać, amierykanski lotčyk skaža niešta inšaje!
Błohierka: Da momanta strełu ŭ les było padkinuta dva miortvych Santy. Stralaŭ laśnik u palaŭničaha, adnačasova Santa stralaŭ u Santu. Dźvie kuli sutyknulisia ŭ pavietry, upali na treciuju kulu. Dalej pakul nie prydumała, praciahvajcie ŭ kamientach.
Ekśpiert pa płanavańni: Laśnik chacieŭ zabić čas, a pamyłkova zabiŭ Santu! Heta ž vidavočna.
Błohier: Dy i navošta palaŭničamu zabivać Santu?!
Kamientatar: A leśniku navošta?
Błohier: Kab abvinavacić palaŭničaha! 100%
Suśvietnaja supolnaść: Nas pa-raniejšamu palaŭničy nie puskaje da miesca hibieli Santy, i jon čamuści źjeŭ svaju strelbu.
Błohierka: Kali Santa byŭ adzin, čamu ślady dźviuch noh?
Hrečaski chor mudakoŭ: Bardak u lesie, praklaty laśnik!
Čytač: Ničoha nie razumieju, ale niešta z hetym leśnikom mutna.