U minułyja vychadnyja dni hramadzianie Hruzii dvojčy sprabavali trapić praź biełaruskuju miažu ŭ krainy Jeŭrasajuza, paviedamlaje Dziaržaŭny pahraničny kamitet Biełarusi.
13 lipienia infarmacyja pra nieviadomych asobaŭ u pahranzonie pastupiła połackim pamiežnikam ad miascovaha žychara. Tryvožnaja hrupa, jakaja vyjechała na miesca, zatrymała za 500 m ad miažy z Łatvijaj troch hramadzian Hruzii. Jak vyśvietliłasia padčas razboru, u Vierchniadźvinski rajon maładyja ludzi pryjechali z nacyjanalnaha aeraporta Minsk, u Łatviju imknulisia ŭ pošukach lepšych umoŭ žyćcia ŭ krainach ES. Usie troje aformlenyja parušalnikami miažy, pravodzicca razbor.
Ranicaj taho ž dnia na ŭčastku adnoj z pahranzastaŭ, raźmieščanaj na biełaruska-polskaj miažy ŭ Bierastavickim rajonie, spracavaŭ datčyk sihnalizacyjnaha kompleksu. Tryvožnaja hrupa paśla niepraciahłaha pošuku znajšła ŭ niepasrednaj blizkaści ad dziaržaŭnaj miažy dvuch mužčyn kaŭkazskaj źniešnaści, u jakich pry sabie nie było dakumientaŭ, što śviedčać asobu. Padčas razboru jany pryznalisia, što źjaŭlajucca hramadzianami Hruzii, sprabavali pieški ŭ lesie pierasiačy biełaruska-polskuju miažu, tamu što dakumientaŭ na zakonnaje pierasiačeńnie miažy ŭ ich niama. Pry sabie ŭ kaŭkazcaŭ byli hrošy, mabilnyja telefony, pradukty charčavańnia i asabistyja rečy pa siezonie. Charakterna, što dla pieraadoleńnia kantrolna-śledavoj pałasy jany nadzieli na nohi cełafanavyja pakiety. Dla vyśviatleńnia ŭsich akaličnaściaŭ pravaparušeńnia nielehały dastaŭlenyja ŭ IČU Hrodzienskaj pahraničnaj hrupy.
