Na stan zdaroŭja čałavieka ŭpłyvaje toje, jak siłkavałasia jaho babula. Takuju vysnovu navukoŭcam dazvoliŭ zrabić vynik niadaŭniaha ekśpierymientu z myšami. Pry hetym dakazana, što dyjeta prababuli nijak nie adbivajecca na naščadkach, piša New Scientist.
U pryvatnaści, u chodzie daśledavańnia ekśpierty vyjavili, što niedastatkovaje charčavańnie žančyny ŭ pieryjad ciažarnaści pavialičvała ryzyku ŭźniknieńnia dyjabietu i atłuścieńnia ŭ dvuch nastupnych pakaleńniaŭ, paśla čaho hety efiekt źnikaŭ.
Jak adznačajuć śpiecyjalisty, kali padobny efiekt vyjaviać ŭ ludziej, to niehatyŭnyja momanty žyćcia, takija jak stres, buduć upłyvać tolki na zdaroŭje ich unukaŭ, a nie praŭnukaŭ. Heta jany tłumačać tym, što stres, jaki vyklikaje ŭ arhaniźmie navakolnaje asiarodździe, vyklikaje chimičnyja źmieny ŭ DNK. U pryvatnaści, jon uklučaje i vyklučaje niekatoryja hieny. Ekśpierty miarkujuć, što takija mietamarfozy mohuć pieradavacca sa śpiermatazoidami i jajcakletkami. Padobny miechanizm nazyvajecca epihienietyčnaj spadčynnaściu.
U jakaści prykładu navukoŭcy pryvodziać vajenny čas, kali ciažarnyja haładali, a ŭ ich dziaciej u suviazi z hetym ŭźnikali hienietyčnyja źmieny. Heta, u svaju čarhu, padvyšała ryzyku raźvićcia atłuścieńnia i raka.
Madel hetaha efiektu skanstrujavała daśledčyk En Fierhisan-Śmit z Univiersiteta Kiembrydža. U chodzie ekśpierymientu jana pamienšyła kałaryjnaść ježy hryzunoŭ napałovu, pačynajučy z 12-ha dnia unutryčeraŭnaha raźvićcia i da naradžeńnia. U vyniku myšaniaty naradžalisia značna mienšych pamieraŭ, čym zvyčajna, i ŭ ich raźvivaŭsia dyjabiet, choć ich racyjon byŭ pravilnym.
Taksama daśledčyki praviali analiz śpiermy myšej, jakija naradzilisia ad hryzunoŭ, jakija niedajadali. Było vyjaŭlena, što adbylisia značnyja źmieny ŭ pracy hienaŭ. Vyjaŭlena taksama, što ŭ myšej, jakija siłkavalisia pravilna, asablivych źmianieńniaŭ u DNK nie nazirałasia, adnak druhoje pakaleńnie hryzunoŭ užo naradžałasia z prablemami sa zdaroŭjem.
