Kryminalnaja sprava raspačata prakuraturaj Haradockaha rajona Viciebskaj vobłaści pa materyjałach pravierki supracoŭnikaŭ 7-ha ŭpraŭleńnia HUBAZiK MUS RB.
Jak paviedamiła aficyjny pradstaŭnik upraŭleńnia SK pa Viciebskaj vobłaści Ina Harbačova, słužbovaja asoba z 31 studzienia pa 1 listapada 2013 hoda, raniej pracujučy na pasadzie dyrektara AAT «Haradocki lnozavod», sumiesna z hałoŭnym buchhałtaram hetaha ž pradpryjemstva, imknučysia paźbiehnuć adkaznaści za niesvoječasovuju vypłatu zarabotnaj płaty, ŭnieśli zahadzia iłžyvyja źviestki ŭ nieabchodnyja dla naličeńnia zarabotnaj płaty daviedki, jakija ŭ nastupnym padali ŭ bank.
U daviedkach ž pakazali źviestki pra adsutnaść abaviazacielstvaŭ pierad Fondam sacyjalnaj abarony nasielnictva pry najaŭnaści faktyčnaj zapazyčanaści.
Dziejańni padazravanych kvalifikavanyja pa č. 1 art. 427 KK (słužbovaja padrobka).
Adnačasova ŭ dačynieńni da pieršaha namieśnika staršyni Haradockaha rajvykankama ŭzbudžanaja kryminalnaja sprava pa fakcie pieravyšeńnia słužbovych paŭnamoctvaŭ (č. 2 art. 426 KK). Heta vyjaviłasia ŭ dačy ukazańniaŭ hałoŭnamu buchhałtaru AAT «Haradocki lnozavod» ab uniasieńni zahadzia iłžyvych źviestak u aficyjny dakumient, jaki adlustroŭvaŭ skažonyja dadzienyja ab uviadzieńni ŭ ekspłuatacyju małočna-tavarnaj fiermy, jakaja naležyć AAT «Haradocki lnozavod».
