U Hrodnie zatrymany 21-hadovy małady čałaviek, jaki ŭčyniaŭ chulihanskija dziejańni ŭ lasnym masivie Rumlova.
Pavodle infarmacyi UUS Hrodzienskaha abłvykankama, chłopiec demanstravaŭ dziaŭčynam pałavyja orhany, a ŭ adnym vypadku navat učyniŭ hvałtoŭnyja dziejańni seksualnaha charaktaru ŭ dačynieńni da zaviedama małaletniaj dziaŭčynki. Hałoŭnaja składanaść u zatrymańni hetaha čałavieka zaklučałasia ŭ tym, što paciarpiełyja, pieražyŭšy stres, vielmi niajasna pamiatali prykmiety napadnika.
Jak paviedamiŭ načalnik adździeła pa raskryćci złačynstvaŭ suprać asoby ŭpraŭleńnia kryminalnaha vyšuku UUS Hrodzienskaha abłvykankama Siarhiej Apałonik, u dziažurnuju častku Kastryčnickaha RAUS Hrodna patelefanavaŭ mužčyna, jaki skazaŭ, što ŭ Rumloŭskim lesaparku małady čałaviek demanstruje intymnyja častki cieła dziaŭčynam.
Dziažurny nakiravaŭ na miesca zdareńnia najbližejšy narad achovy, jaki i zatrymaŭ chulihana. Paźniej, padčas vobysku ŭ jaho doma, milicyjaniery znajšli pradmiety adzieńnia, jakija zapomnilisia paciarpiełym: krasoŭki ź zialonymi šnurkami, spartyŭnuju kurtku i h. d.
U dačynieńni da maładoha čałavieka raspačatyja čatyry spravy na padstavie art. 339 (chulihanstva) i art. 167 (hvałtoŭnyja dziejańni seksualnaha charaktaru) Kryminalnaha kodeksa. Takija dziejańni ŭ dačynieńni da zaviedama małaletniaj ciahnuć pakarańnie ad 8 da 15 hadoŭ pazbaŭleńnia voli.
