Novy ministr abarony Ukrainy Valeryj Hielatej padpisaŭ siońnia prysiahu zakrytaj kaŭpačkom asadkaj. Voś fota:
Hielatej paabiacaŭ adnavić terytaryjalnuju cełasnaść krainy i pravieści «parad pieramohi» ŭ Krymie.
«Ja pierakanany, što Ukraina pieramoža, i paviercie mnie, što parad pieramohi budzie, abaviazkova budzie va ŭkrainskim Sievastopali», — skazaŭ Hielatej padčas vystupu pierad členami parłamienta.
Hetyja słovy 46-hadovaha hienierał-pałkoŭnika vyklikali burnyja apładysmienty parłamientaryjaŭ.
Kandydaturu Hielateja vyłučyŭ i asabista pradstaviŭ u Radzie prezident Piatro Parašenka.
«Armii patrebny kiraŭnik, jaki pačnie nieadkładnyja reformy. Armii patrebny novy kamandujučy, jaki nie tolki vučyŭsia vajavać, ale i vajavaŭ sam. Ja ŭpeŭnieny, što hienierał-pałkoŭnik Hielatej apraŭdaje vaš davier», - zajaviŭ prezident Ukrainy.
Pierad hetym deputaty zvolnili z pasady v. a. ministra abarony Michaiła Kovala. Za takoje rašeńnie prahałasavali 327 deputataŭ Rady.
Piatro Parašenka paviedamiŭ, što pryznačaje Kovala namieśnikam sakratara Rady nacyjanalnaj biaśpieki i abarony (RNBA) Ukrainy.