Spačatku jany pakusali niekalki miascovych žycharoŭ, a potym nakinulisia na vyklikanuju paciarpiełymi bryhadu «chutkaj» dapamohi.
«Dniom 2 lipienia ad dyśpietčara chutkaj dapamohi Centralnaj rajonnaj balnicy pastupiła paviedamleńnie ab tym, što dapamoha patrabujecca rabotnikam «chutkaj», jakija nie mohuć padyści da doma i dapamahčy paciarpiełym z-za vialikaj kolkaści pčoł na prysiadzibnym učastku ŭ vioscy Ludahašč Mścisłaŭskaha rajona», - cytuje «Interfaks» infarmacyju Mahiloŭskaha abłasnoha upraŭleńnia MNS.
Na miesca vyjechali ratavalniki. Pčołaŭ udałosia supakoić tolki z dapamohaj śpiecyjalnaha abstalavańnia pa raspyleńni vady. Paciarpiełym była akazanaja miedycynskaja dapamoha na miescy, paśla čaho ich špitalizavali z dyjahnazam «taksičnaje atručeńnie arhanizma pčalinym jadam».
