Śpiecyjalny karespandent rasijskaha vydańnia «Kamiersant» Andrej Kaleśnikaŭ prysutničaŭ u Minsku na ŭčorašniaj sustrečy prezidentaŭ Biełarusi i Rasii Alaksandra Łukašenki i Uładzimira Pucna. Voś niekalki pryvatnych štryškoŭ z hetaha spatkańnia.
«Na ŭvachodzie Uładzimira Pucina sustrakaŭ Alaksandr Łukašenka, jaki pryjechaŭ siudy razam z synam Kolem na niekalki chvilin raniej rasijskaha prezidenta. Kali Uładzimir Pucin vychodziŭ z mašyny, Kolu trochi i maksimalna vietliva adcisnuli ad Alaksandra Łukašenki.
Chłopčyk, zrešty, usio zrazumieŭ pravilna: pakul heta nie jaho mierapryjemstva (ale ž pryjdzie čas, i heta jon budzie sustrakać Uładzimira Pucina la ŭvachodu ŭ hety muziej napiaredadni čarhovaha jubileju …)».
«Kamiersant» vyhladaje pryznaje, što niekali Alaksandr Łukašenka nie budzie prezidentam Biełarusi, a voś Pucin, vyhladaje, budzie žyć viečna.
«Tut ža byŭ i Kola ź vialikim bantam ŭ kolery nacyjanalnaha ściaha Biełarusi. Na niejki momant jon zhubiŭsia ŭ mituśni la ŭvachodu ŭ zału fotakarespandentaŭ. Vonkava jon zastavaŭsia pry hetym całkam spakojnym: jamu było nie pryvykać da pratakolnaj mituśni. Zrešty, jaho chutka ŭziali ŭ nadziejnaje kolca biełaruskija achoŭniki: jany dobra viedali svaju hałoŭnuju pracu».
«Raptam, kali Alaksandr Łukašenka chacieŭ jašče niešta skazać, pad sklapieńniami Zały słavy hrymnuła fanahrama ź dziŭnym napievam «ła-ła-ła-ła», ale tut ža i zahłuchła, kab praz chvilinu źjavicca znoŭ:
akazałasia, heta byŭ pačatak pieśni «Dzień Pieramohi «, ź jakoj pavinien byŭ vystupić chor (upeŭnieny, hetyja ludzi hatovyja byli spravicca i biez fanahramy: vyhlad hetych ludziej, hatovych iści — a dakładniej, stajać — da kanca, havaryŭ pra heta)».
