Upraŭleńniem kryminalnaha vyšuku HUUS Minharvykankama vyśviatlajucca abstaviny śmierci novanarodžanaha dziciaci, trup jakoha znojdzieny ŭ race Śvisłač u Minsku.
Da ciapierašniaha času abstaviny zdareńnia i asoby, jakija majuć dačynieńnie da zdareńnia, nie ŭstanoŭleny.
Strašnaja znachodka była vyjaŭlena 22 maja ŭ race Śvisłač la bieraha parku Janki Kupały.
Trup niemaŭla mužčynskaha połu znachodziŭsia ŭ maładziožnym zaplečniku čornaha koleru.
Vyśvietliłasia, što takija zaplečniki z kvadratnaj našyŭkaj z malunkam rok-muzykaŭ i nadpisam «Velsom 3G QUEST PISTOLS» byli vypuščanyja abmiežavanaj partyjaj i raspaŭsiudžvalisia na kancertach nazvanaj hrupy.
Kancerty prachodzili ŭ 2011 hodzie ŭ Mahilovie, Pinsku, Baranavičach, u 2012 hodzie ŭ Breście, Pinsku, Mahilovie, Baranavičach.
U suviazi z hetym supracoŭniki kryminalnaha vyšuku źviartajucca pa dapamohu. Da tych, kamu moža być niešta viadoma pra abstaviny śmierci dziciaci, albo pra žančyn, jakija nie majuć dziaciej paśla pieryjadu ciažarnaści, albo ab asobach, u karystańni jakich mieŭsia zaplečnik, padobny z adlustravanym na fota, prosiać paviedamić pra siabie.
Kantaktnyja telefony: 8 (017) 200-60-36, 8 (017) 288-81-13, 8 (029) 356-02-02, 8 (029) 381-04-19.
Kanfidencyjnaść i ŭznaharodžańnie za značnuju infarmacyju harantujucca.
