U Homieli prachodzić ratavalnaja apieracyja: supracoŭniki MNS sprabujuć dapamahčy mužčynu, jaki nieviadoma čaho zalez na 30-mietrovuju aśviatlalnuju aporu kala čyhunačnaha vakzała.
Jak paviedamiŭ BiełaPAN pres-sakratar Homielskaha abłasnoha ŭpraŭleńnia MNS Rusłan Habryloŭ, mužčyna znachodzicca na aśviatlalnaj apory ŭžo kala paŭtara-dźviuch hadzin. Pavodle niepaćvierdžanaj infarmacyi, jon maje namier pakončyć z saboj.
Ź im zaraz pracuje psichołah MNS, ratavalniki pryhnali vyšku, razharnuli ŭnizie hetak zvany kub žyćcia. Pavodle słoŭ Habrylova, kala aśviatlalnaj apory znojdziena darožnaja sumka z bujnoj sumaj hrošaj i dakumientami na imia žychara Bresta 1981 hoda naradžeńnia. Adnak pakul nieviadoma, ci naležać hetyja rečy i dakumienty mužčynu na apory.
Nočču mužčyna, jaki pahražaŭ suicydam, źlez z 36-mietrovaj vyški
