U Ministerstvie suviazi i infarmatyzacyi Biełarusi raźličvajuć da 1 vieraśnia padklučyć da Internetu ŭsie škoły, paviedamiŭ siońnia na sumiesnaj kanfierencyi Biełaruś — Respublika Kareja — Suśvietny bank «Razam da infarmacyjnaha hramadstva» namieśnik dyrektara departamienta infarmatyzacyi Minsuviazi Michaił Čaščyn.
U Biełarusi 95 pracentaŭ škoł majuć dostup da Internetu, u tym liku 80 pracentaŭ — da šyrokapałosnaha. «Čakajem, što da 1 vieraśnia ŭsie škoły buduć padklučany», — skazaŭ Michaił Čaščyn.
U cełym kolkaść abanientaŭ stacyjanarnaha šyrokapałosnaha dostupu ŭ Internet u Biełarusi ŭščylnuju nabliziłasia da 3 młn čałaviek.
Michaił Čaščyn pradstaviŭ udzielnikam kanfierencyi papiarednija vyniki siarednieterminovaj prahramy pa infarmatyzacyi Biełarusi, jakija datyčacca ŭ tym liku stvareńnia elektronnaha ŭrada.
«Vykanany mierapryjemstvy pa raspracoŭcy i madernizacyi šeraha dziaržaŭnych infarmacyjnych sistem, resursaŭ. Možna kanstatavać, što bazavyja kampanienty elektronnaha ŭrada, nieabchodnyja dla zabieśpiačeńnia ŭzajemadziejańnia, intehracyi resursaŭ u krainie, praktyčna stvorany», — adznačyŭ jon.
