Padčas začystki ŭkrainskimi vajskoŭcami danieckaha aeraporta byŭ zabity vieteran rasijskaha śpiecnaza Siarhiej Ždanovič.
Pra heta napisaŭ na svajoj staroncy ŭ Facebook žurnalist Juryj Butusaŭ.
«Jak paviedamlaje rasijski časopis «Śpiecnaz», u bai za aeraport Daniecka ŭkrainskija vojski źniščyli adnaho z najbolš niebiaśpiečnych terarystaŭ «Danieckaj narodnaj respubliki» — rasijskaha najmita Siarhieja Ždanoviča. Ždanovič — vieteran Afhanistana i Čačni, jaki zusim niadaŭna byŭ adnym ź instruktaraŭ u Centry śpiecyjalnaha pryznačeńnia FSB Rasii. Heta elitnaja vajskovaja častka. 19 maja Ždanovič prybyŭ z rasijskaha Elektrohorska ŭ Rastoŭ-na-Donie, adtul nielehalna pierajšoŭ miažu Ŭkrainy. 26 traŭnia ŭ aeraporcie Ždanoviča «nakryŭ» ŭkrainski śpiecnaz», — napisaŭ Butusaŭ.
