Vybarčyja ŭčastki pa vybarach prezidenta Ukrainy 25 maja buduć adkryty va ŭkrainskim pasolstvie ŭ Minsku i hienieralnym konsulstvie ŭ Breście, paviedamlaje sajt ukrainskaha dyppradstaŭnictva.
Miežy vybarčaha ŭčastku, utvoranaha na terytoryi pasolstva, uklučajuć Minsk, Viciebskuju, Homielskuju, Minskuju i Mahiloŭskuju vobłaści, učastku na terytoryi hienieralnaha konsulstva — Bresckuju i Hrodzienskuju vobłaści. Učastki buduć pracavać z 8 da 20 hadzin.
Udzieł u hałasavańni mohuć pryniać hramadzianie Ukrainy, uklučanyja ŭ śpis vybarščykaŭ na padstavie dziejučaha pašparta hramadzianina Ukrainy. U dzień vybaraŭ hałasavańnie budzie ažyćciaŭlacca pa zamiežnych pašpartach, paviedamlaje sajt pasolstva.
U śpisy dla hałasavańnia na vybarach prezidenta Ukrainy ŭklučana kala 12 tysiač ukrainskich hramadzian, jakija pražyvajuć abo časova znachodziacca ŭ Biełarusi. Miarkujecca, što siem tysiač ukraincaŭ zmohuć prahałasavać u Minsku i piać tysiač — u Breście, paviedamili va ŭkrainskim dyppradstaŭnictvie.
