Praciahvajecca praca nad prajektam «Aviel». Zdymačnaja hrupa NonstopMEDIA viarnułasia z Halivuda, dzie prachodziŭ druhi etap zdymak. Svaimi ŭražańniami ab supracoŭnictvie z amierykanskimi kalehami padzialilisia pradziusary filma «Aviel» Siarhiej Ždanovič i Juryj Ihruša.
Fabryka mrojaŭ
Zdymki prachodzili ŭ kancy sakavika - pačatku krasavika. U Amierycy atrymałasia adzdymać 8 scen, u dva razy bolš za zapłanavanaje. Siarod unikalnych epizodaŭ — aŭtamabilny truk: sutyknieńnie dvuch mašyn u pavietry.
Pa scenary adzin z epizodaŭ razhortvajecca ŭ mieksikanskaj vioscy. Pasielišča zbudavali na vielizarnaj placoŭcy pad nazvaj Universal City, što ŭ pierakładzie značyć «Suśvietny horad». U roli miascovych žycharoŭ zadziejničali sotniu amierykanskich akcioraŭ. Zvyčajna hanarar adnaho artysta ŭ ahulnaj scenie dachodzić da $100 — u masavych scenach ciažej «zaśviacicca». Biełarusy zapłacili ŭdvaja mienš: zdymki na «Universal Studios» nosiać asablivy status.
Ciomny rycar
Pieršaj zaprošanaj zorkaj filma staŭ Eryk Robierts. Jon syhraje admoŭnaha piersanaža — biznesmena, kiraŭnika miedyjnaj kampanii, vakoł jakoha razhortvajecca asnoŭnaja intryha. Vyjści na akciora dapamahli amierykanskija partniory. Hanarar zorki nie nazyvajecca. Ale kažuć, što akcior pajšoŭ na sastupki. U rajdary byli prapisanyja standartnyja patrabavańni: apłata hatela, biźnies- pieralot, sutačnyja, praviły subardynacyi.
«Dla zdymak byli nabytyja pryhožyja šachmaty ŭ amierykanskim styli. Adnojčy, pakul rychtavałasia placoŭka, my paprasili režysiora Dzianisa Sobaleva zhulać z Erykam partyju, zabyŭšysia papiaredzić jaho hulać u paddaŭki. Razumiejecie, zorki — ambicyjnyja ludzi, — raspaviadaje Siarhiej Ždanovič. — Spachapilisia my ŭ apošni momant, kali Eryku ledź nie byŭ pastaŭleny mat. Pryznacca, akcior prykmietna niervavaŭsia. Ale ŭ vyniku Dzianisa papiaredzili, i jon zdaŭsia. U vyniku šachmaty nie patrapili ŭ kadr, i my ich padaryli akcioru».
Palityčny prysmak
U filmie prasočvajecca anałohija sa śniežańskimi padziejami ŭ Minsku 2010 hoda. Pradziusary zajaŭlajuć: karcina zdymajecca pa sučasnych biełaruskim matyvach i zadačy naŭprost rekanstrujavać Płošču nie było.
Siarhiej Ždanovič adznačaje, što źniatyja kadry vyklikajuć bolš asacyjacyj z Majdanam, čym z padziejami Płoščy.
«Kali my pakazali materyjał amierykancam, tyja byli ŭpeŭnienyja, što zdymki prachodzili na Majdanie. Jany tolki nie mahli zrazumieć adnaho: jak nam udałosia heta zrabić z punktu hledžańnia maštabaŭ pastanoŭki. Vielmi chočacca, kab ludzi aceńvali mastackuju kaštoŭnaść prajekta, - dadaje jon.
Znoŭ u Biełarusi
Treci etap zdymak filma « Aviel» pačaŭsia ŭ Biełarusi 18 krasavika i praciahniecca da pačatku maja. Padčas ČS pa chakiei hrupa zrobić nievialiki pierapynak. Finalnuju častku zdymak namiečana pravieści ŭ červieni. Premjera płanujecca ŭ čas Minskaha mižnarodnaha kinafiestyvalu «Listapad». Pradstavić karcinu pryjeduć Eryk Robierts razam z vykanaŭcaj hałoŭnaj žanočaj roli.
