Vidavočcy vykładvajuć u sacyjalnych sietkach fota bajavoj mašyny desantu, jakaja pad ściaham tak zvanaj «Danieckaj narodnaj respubliki» siońnia źjaviłasia ŭ Sieviersku Arciomaŭskaha rajona.
Da Sievierskaha harsavieta padjechali BMD i hruzavik ź ludźmi. Situacyju sajtu 06274.com.ua prakamientavała v.a. haradskoha hałavy Cievierska Śviatłana Hatčanka.
«My sustrelisia z hetymi ludźmi na terytoryi haradździeła milicyi, jany byli z hieorhijeŭskimi stužkami. Pacikavilisia situacyjaj u horadzie, nijakich patrabavańniaŭ abo ultymatumaŭ nie vysoŭvali. Horad jany pakinuli. U nas usio cicha i spakojna, usie słužby pracujuć u štatnym režymie», — zajaviła jana.
Rasijski ITAR-TASS u hety ž čas znoŭ papaŭsia na chłuśni: resurs paviedamlaje, što Sieviersk nibyta pierajšoŭ pad kantrol tak zvanaj «Danieckaj narodnaj respubliki», ukrainskija ściahi źmianili na DNR. Hatčankaabviarhaje takoje śćviardžeńnie: «Nijakich dakumientaŭ jany mnie nie pakazvali, ja ničoha nie padpisvała. Ściah kala harsavieta jany nie źmianiali», — kaža v.a. haradskoha hałavy.
Pa słovach miascovych žycharoŭ, u hruzaviku było kala dvaccaci uzbrojenych ludziej. Raniej ŚMI paviedamlali, što apałčency, jakija zachapili ŭ Słaviansku vykankam i haradździeł, vystupili sa Słavianska ŭ bok Arciomaŭska.