Pasoł Biełarusi ŭ Indanezii Uładzimir Łapata-Zahorski 15-17 krasavika zrabiŭ rabočuju pajezdku ŭ Surabaju (pravincyja Uschodniaja Java).
Jak paviedamlaje pres-słužba MZS Biełarusi, adbyłasia sustreča biełaruskaha dypłamata z hubiernataram Uschodniaj Javy Sukarvo, u chodzie jakoj byli abmierkavany pytańni dalejšaha raźvićcia supracoŭnictva pamiž Biełaruśsiu i Indaniezijaj ŭ handlova-ekanamičnaj śfiery, u halinie adukacyi, kultury i navuki.
Na sustrečy sa staršynioj handlova-pramysłovaj pałaty Surabai Džamchadzi abmiarkoŭvalisia pytańni arhanizacyi vizitu ŭ Biełaruś delehacyi dziełavych kołaŭ Uschodniaj Javy.
Pierśpiektyvy naroščvańnia pastavak biełaruskich kalijnych uhnajeńniaŭ byli abmierkavany z kiraŭnictvam kampanij pa vytvorčaści kompleksnych uhnajeńniaŭ PT Petrokimia Gresik i PT Saraswanti Anugerah Makmur.
Łapata-Zahorski taksama pryniaŭ udzieł u pieramovach delehacyi biełaruskaha vytvorcy juvielirnych vyrabaŭ STAA «Juvielirny zavod «Zorka» z kiraŭnictvam najbujniejšaj u Indanezii juvielirnaj kampanii PT Untung Bersama Sejahtera.
